មហោស្រពវប្បធម៌អាស៊ី-អឺរ៉ុប ២០២១៖ ការចាប់អារម្មណ៍ពីពលរដ្ឋ និងភ្ញៀវទេសចរនៅមានកម្រិត
ចុះផ្សាយនៅថ្ងៃ៖
ស្តាប់ - ០៩:១១
ការតាំងពិព័រណ៌សិល្បៈមហោស្រពវប្បធម៌អាស៊ី-អឺរ៉ុប ២០២១ កំពុងបា្ររព្វឡើងក្នុងបរិវេណសារមន្ទីរជាតិចាប់ពីថ្ងៃទី២២ វិច្ឆិកា ដល់ថ្ងៃទី៣១ វិច្ឆិកា ឆ្នាំ២០២១ខាងមុខ។ ការតាំងពិព័រណ៌នេះ គឺដើម្បីបង្ហាញពីភាពសំបូរបែប និងគំនិតច្នៃប្រឌិតរបស់សិល្បករទៅតាមប្រទេសនានាក្នុងទ្វីបអាស៊ី-អឺរ៉ុប និងដើម្បីបង្កើនចំណងមិត្តភាពលើវិស័យវប្បធម៌នៃបណ្ដាប្រទេសក្នុងទ្វីបទាំងពីរ។ តែយ៉ាងណា អស់រយៈពេល៣ថ្ងៃមកហើយ ទិដ្ឋភាពទូទៅនៃការតាំងពិព័រណ៍សិល្បៈមហោស្រពវប្បធម៌អាស៊ី-អឺរ៉ុប ២០២១ ហាក់នៅមិនទាន់មានការចាប់អារម្មណ៍ច្រើនពីសាធារណជននិងភ្ញៀវទេសចរនៅឡើយនោះទេ។ ប៉ុន្តែសម្រាប់ពលរដ្ឋដែលបានចូលទស្សនារួចហើយ ពួកគេបានលើកឡើងថា ការតាំងពិព័រណ៌នេះជាឱកាសសម្រាប់កម្ពុជាក្នុងការផ្សព្វផ្សាយវប្បធម៌ទៅកាន់ពិភពលោក ក៏ដូចជាដើម្បីឱ្យពលរដ្ឋខ្មែរស្វែងយល់ពីវប្បធម៌របស់បរទេសបន្ថែមទៀតផង។