សិប្បកម្មកែច្នៃពីផ្លែដូងក្នុងខេត្តតាកែវហៅការគាំទ្រពីពលរដ្ឋខ្មែរ ដើម្បីបន្តជួយដល់ជនងាយរងគ្រោះក្នុងសហគមន៍
ចុះផ្សាយនៅថ្ងៃ៖
ស្តាប់ - ០៧:៣០
ក្នុងខេត្តតាកែវ គឺឃើញមានសិប្បកម្មកែច្នៃចេញពីផ្លែដូងធ្វើជាសម្ភារៈប្រើប្រាស់ និងគ្រឿងអាហារជាច្រើនមុខ។ គំនិតច្នៃប្រឌិតបង្កើតចេញពីផលិតផលធម្មជាតិនេះ បានជួយបង្កើតការងារដល់ជនមានពិការភាព និងជនក្រីក្រនៅក្នុងសហគមន៍នៅឃុំគុស ស្រុកត្រាំកក់ ប្រមាណជាង ៤០នាក់។ មិនខុសពីរបរផ្សេងៗឡើយ កូវីដ១៩ បានលេបយកអតិថិជនរបស់សិប្បកម្មនេះស្ទើរតែទាំងអស់ ដោយបញ្ជរហាងតាំងលក់ផលិតផលនៅរាជធានីភ្នំពេញ គឺត្រូវបានត្រូវបិទបើកៗ ដោយសារការផ្ទុះឆ្លងជំងឺកូវីដនេះ។ បើតាមអ្នកគ្រប់គ្រង សិប្បកម្មនឹងខំត្រដរបន្តរស់តទៅទៀត ព្រោះគេមានមហិច្ចតានាំយកផលិតផលចេញទៅលក់ក្រៅស្រុក និងចង់ពង្រីកទំហំផលិតកម្មដែលអាចបង្កើតការងារដល់ពលរដ្ឋក្នុងសហគមន៍ដល់រាប់រយនាក់។