លោក ហុក លីដា៖ ខ្ញុំមានមោទកភាពដែលបានយកចំណេះដឹងពីបរទេសមកអភិវឌ្ឍន៍វិស័យកសិកម្មកម្ពុជា
ចុះផ្សាយនៅថ្ងៃ៖
ស្តាប់ - ១០:៥៤
នៅក្នុងនាទីជីវិតជោគជ័យរបស់វិទ្យុបារាំងអន្តរជាតិ RFI នៅពេលនេះ ហេង សុខនី សូមណែនាំលោកអ្នកស្តាប់មកស្គាល់លោក ហុក លីដា ជាបណ្ឌិតជំនាញផ្នែកប្រព័ន្ធបរិស្ថានពីសាកលវិទ្យាល័យកសិកម្ម និងបច្ចេកវិទ្យាពីសហរដ្ឋអាមេរិក ដែលបច្ចុប្បន្នលោកជាគ្រូបង្រៀននៅក្នុងសកលវិទ្យាល័យភូមិន្ទកសិកម្ម និងជានាយកមជ្ឈមណ្ឌលឧត្តមភាព ប្រពលវប្បកម្ម កសិកម្មនិរន្តភាព និងអាហារូបត្ថម្ភ។ លោក ហុក លីដា បានថ្លែងថា ការសិក្សាដល់ថ្នាក់បណ្ឌិតនៅបរទេស គឺជាឱកាសដែលសង្គម និងគ្រួសារបានផ្តល់ឱ្យរូបលោក ហើយជាការតបស្នងទៅវិញ លោកបានផលិតធនធានមនុស្សជាច្រើន ដើម្បីចូលរួមចំណែកក្នុងការអភិវឌ្ឍវិស័យនៅក្នុងកសិកម្ម ដែលបច្ចុប្បន្នពលរដ្ឋកម្ពុជាប្រមាណជាង ៦០% កំពុងប្រកបរបរនេះ ក្នុងនោះ យ៉ាងហោចណាស់មានសិស្ស និស្សិតប្រមាណជាង ៣០នាក់ហើយ ដែលបានទទួលអាហារូបករណ៍បន្តទៅសិក្សាថ្នាក់បរិញ្ញាប័ត្រ បរិញ្ញាប័ត្រជាន់ខ្ពស់បណ្ឌិត និងថ្លៃចំណាយលើការសិក្សាស្រាវជ្រាវក្នុងការសរសេរសារណា និងនិក្ខេបបទ។
