ក្រោយចាក់វ៉ាក់សាំង៖ លោក ទៀ បាញ់ តមធ្វើការធ្ងន់ ទទួលទានជាតិអាកុល និងហូបគ្រឿងសមុទ្រ
ចុះផ្សាយនៅថ្ងៃ៖
ស្តាប់ - ០៦:៣៦
បន្ទាប់ពីមហាជនចង់ដឹងអំពីស្ថានភាពសុខភាពក្រោយចាក់វ៉ាក់សាំងរបស់ចិន លោក ទៀ បាញ់ រដ្ឋមន្ត្រីក្រសួងការពារជាតិបានបង្ហាញមុខជាសាធារណៈនៅថ្ងៃនេះ។ គិតមកដល់ថ្ងៃទី១នៃយុទ្ធនាការចាក់វ៉ាក់សាំងថ្ងៃដំបូងនេះ លោក ទៀ បាញ់ ទទួលចាក់វ៉ាក់សាំង (Sinopharm)ស៊ីណូហ្វាមរបស់ចិនបាន២០ថ្ងៃមកហើយ។ នៅចំពោះមុខមហាជន និងកាមេរាអ្នកកាសែត លោក ទៀង បាញ់ បានបង្ហាញភាពជឿជាក់លើគុណភាពវ៉ាក់សាំងរបស់ចិន ដោយអះអាងថា គ្មានប្រតិកម្ម ឬអាការៈរោគគួរឲ្យកត់ចំណាំឡើយ។ ដើម្បីរួមចំណែកតេស្តវ៉ាក់សាំងរបស់ចិនថា មានគុណភាពកម្រិតណា លោក ទៀ បាញ់ បានថ្នមខ្លួនរយៈពេលខ្លីតាមបញ្ជារបស់វេជ្ជបណ្ឌិតចិនដូចជាៈ តមធ្វើការធ្ងន់ ទទួលទានជាតិអាកុល និងហូបគ្រឿងសមុទ្រ។
