បទយកការណ៍
សិស្សដែលជាប់បាក់ឌុបឆ្នាំនេះ ពិបាកស្វែងរកអាហារូបករណ៍សិក្សាបន្តនៅតាមមហាវិទ្យាល័យ
ចុះផ្សាយនៅថ្ងៃ៖
ស្តាប់ - ០៨:២៧
សិស្សានុសិស្សថ្នាក់ទី១២ ដែលទើបតែប្រកាសអោយជាប់បាក់ឌុបដោយស្វ័យប្រវត្តិ ដោយសារតែជំងឺកូវីដ១៩នោះ កំពុងស្វះស្វែងរកអាហារូបករណ៍ដើម្បីបន្តការសិក្សានៅតាមសកលវិទ្យាល័យនានានៅទីក្រុងភ្នំពេញ ដោយសារក្នុងសញ្ញាប័ត្ររបស់ពួកគេមិនមានការបញ្ជាក់ពីនិទ្ទេស A B C ឬ D។ ខុសពីសិស្សពូកែនៅទូទាំងប្រទេសដែលតម្រូវអោយជាប់អាហារូបករណ៍ដោយស្វ័យប្រវត្តិ និងខុសពីសិស្សអាទិភាពដូចជា ជនពិការ ឬសិស្សក្រីក្រនោះ សិស្សានុសិស្សទូទៅនិងមួយចំនួន កំពុងប្រឈមនឹងការពិបាកក្នុងការស្វែងរកអាហារូបករណ៍ដើម្បីបន្តការសិក្សារបស់ពួកគេ។