លោក ហ៊ុន ម៉ាណែត៖ ទោះមិនមែន ហ៊ុន ម៉ានី ក៏ត្រូវតម្លើងដែរ ព្រោះមុខងារសាធារណៈជាសេនាធិការ
នៅក្នុងពិធីប្រកាសទទួលស្គាល់ជ័យលាភី អង្គភាពផ្តល់សេវាសាធារណៈគំរូក្នុងវិស័យអប់រំ និងសុខាភិបាលឆ្នាំ២០២៣ នាព្រឹកថ្ងៃទី២២ ខែកុម្ភៈ ឆ្នាំ២០២៤នេះ លោកនាយករដ្ឋមន្ត្រី ហ៊ុន ម៉ាណែត បានថ្លែងថាការតម្លើងតំណែងលោក ហ៊ុន ម៉ានី ជាឧបនាយករដ្ឋមន្ត្រី គឺជាការជួយឲ្យរដ្ឋមន្ត្រីក្រសួងមុខងារសាធារណៈមានទំងន់ធ្ងន់ ក្នុងការដឹកនាំធ្វើកំណែទម្រង់ទាក់ទងទៅនឹងក្រសួងស្ថាប័នផ្សេងៗទៀត។ ប្រតិកម្មរបស់លោកនាយករដ្ឋមន្ត្រីដូច្នេះ បន្ទាប់ពីមានការរិះគន់ពីសំណាក់អ្នកវិភាគ និងអ្នកនយោបាយប្រឆាំងមួយចំនួនថាការតែងតាំងលោក ហ៊ុន ម៉ានី កូនប្រុសពៅលោក ហ៊ុន សែន ជាឧបនាយករដ្ឋមន្ត្រី គឺជាការពង្រឹងអំណាចត្រកូល«ហ៊ុន»។ ក៏ប៉ុន្តែ លោក ហ៊ុន ម៉ាណែត បញ្ជាក់ថាទោះជារដ្ឋមន្ត្រីក្រសួងមុខងារសាធារណៈមិនមែនជាប្អូនប្រុសរបស់លោក ក៏លោកត្រូវតែតែងតាំងដែរ ដោយសារក្រសួងនេះ ជាសេនាធិការដ៏សំខាន់របស់រដ្ឋាភិបាលក្នុងការកែទម្រង់អាទិភាពវិស័យមុខងារសាធារណៈ។
ចុះផ្សាយនៅថ្ងៃ៖
ស្តាប់ - ០២:៥៣