មេធាវី អាង ឧត្តម៖ ឧទ្ធរណ៍ច្រានចោលសំណើបន្ធូរបន្ថយការរឹតត្បិតការឃុំខ្លួន លោក កឹម សុខា
សាលាឧទ្ធរណ៍បានបើកសវនាការរឿងក្តី លោក កឹម សុខា ប្រធានអតីតគណបក្សសង្គ្រោះជាតិ ពេញមួយព្រឹកថ្ងៃទី៣០មករា២០២៤ ដោយមិនទាន់មានលទ្ធផលអ្វីនៅឡើយ ខណៈសវនាការបន្ទាប់នឹងបន្តជំនុំជម្រះនៅថ្ងៃទី៨កុម្ភៈសប្តាហ៍ក្រោយ។ នេះបើតាម លោក អាង ឧត្តម សហមេធាវីការពារលោក កឹម សុខា ប្រាប់អ្នកសារព័ត៌មានក្រោយផ្អាកសវនាការ។ លោកមេធាវី អាង ឧត្តម យល់ថា ការកំណត់ពេលសវនាការតែចំនួន៩ដង នៅសាលាឧទ្ធរណ៍ អាចនឹងបាត់ឱកាសកោះហៅសាក្សីមកចូលរួម។
ចុះផ្សាយនៅថ្ងៃ៖
ស្តាប់ - ១៣:៥៤
នៅចំពោះមុខអង្គសវនាការនៅសាលាឧទ្ធរណ៍ នៅព្រឹកថ្ងៃទី៣០ខែមករានេះ លោក កឹម សុខា បានស្នើឱ្យតុលាការបន្ធូរបន្ថយការរឹតត្បិតក្នុងការឃុំខ្លួន។តែសាលាឧទ្ធរណ៍ច្រានចោលសំណើនេះ។ គួរជម្រាបថា លោក កឹម សុខា អតីតគណបក្សសង្គ្រោះជាតិ បានប្តឹងជំទាស់ទៅនឹងសាលក្រមរបស់សាលាដំបូងរាជធានីភ្នំពេញ ដែលបានកាត់ទោសកាលពីឆ្នាំ២០១៧ ឱ្យលោកជាប់ពន្ធធនាគារចំនួន២៧ឆ្នាំ ពីបទ«ក្បត់ជាតិ»។ សាលក្រមនេះ តុលាការដាក់បម្រាមមិនឱ្យលោក កឹម សុខា ធ្វើនយោបាយ មិនឱ្យចេញពីផ្ទះ និងមិនអនុញ្ញាតឱ្យជួបជាមួយជនបរទេស ឬជនណាមួយក្រៅពីក្រុមគ្រួសារ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ