អ្នកជំនាញ៖កំណើននៃអ្នកសេពគ្រឿងស្រវឹងនៅកម្ពុជាបង្កើនហានិភ័យសង្គម
នៅឆ្នាំ ២០២៣ ទីផ្សារស្រាបៀរកម្ពុជាមានការរីកចម្រើនគួរឱ្យកត់សម្គាល់ ដោយរកប្រាក់ចំណូលបានចំនួន ១ ៣៦០ លានដុល្លារអាមេរិក។ ឧស្សាហកម្មនេះស្ថិតនៅលើគន្លងនៃការពង្រីកអាជីវកម្មជាបន្តបន្ទាប់ជាមួយនឹងអត្រាកំណើនប្រចាំឆ្នាំថេរដែលរំពឹងទុក ៨,៨% រហូតដល់ឆ្នាំ២០២៧។ នេះយោងតាម ការចុះផ្សាយរបស់គេហទំព័រ www.ziemann-holvrieka.com។
ចុះផ្សាយនៅថ្ងៃ៖
ស្តាប់ - ០២:២៤
បើគិតជាមធ្យម មនុស្សម្នាក់ សេពគ្រឿងស្រវឹង ជាង ៣៧លីត្រ នៅឆ្នាំ២០២៣ ប៉ុន្តែ វានឹងមានកំណើនជាមធ្យម ៦.៤% នៅឆ្នាំ ២០២៤នេះ។
បើសម្លឹងទៅដល់ឆ្នាំ២០២៧ មនុស្សម្នាក់នៅកម្ពុជា សេពគ្រឿងស្រវឹងជាង៤៥លីត្រ។ កំណើននេះនឹងរុញឲ្យបរិមាណ ផលិតស្រាបៀរកើនឡើងដល់ ៧៧៩.៨០ លានលីត្រ នៅឆ្នាំ២០២៧។ ប៉ុន្តែបញ្ហានេះ បាននាំឲ្យមានការចំណាយរបស់ពលរដ្ឋទៅលើថ្លៃស្រាបៀរ នឹងមានរហូតដល់៣៩% នៃថ្លៃចំណាយសរុប។
ដោយឡែក តាមការស្រាវជ្រាវមួយរបស់ក្រុមហ៊ុនជប៉ុនមួយឈ្មោះថា Kirin ក្នុងមួយឆ្នាំពលរដ្ឋកម្ពុជាម្នាក់ជាមធ្យមផឹកស្រាបៀរអស់ប្រមាណ៧២លីត្រ។ បើគិតជាសរុបក្នុងមួយឆ្នាំ ពលរដ្ឋកម្ពុជាត្រូវចំណាយប្រាក់ប្រមាណ ២,៣ពាន់លានដុល្លារតែទៅលើស្រាបៀរ។
តាមរយៈការចំណាយដ៏ច្រើនសន្ធឹកសន្ធាប់ទៅលើផលិតផលស្រាបៀរ ធ្វើឱ្យក្រុមហ៊ុនជាច្រើន មើលឃើញពីឱកាសបង្កើតរោងចក្រផលិតស្រាបៀរជាបន្តបន្ទាប់នៅកម្ពុជា។ ប៉ុន្តែកំណើននៃពលរដ្ឋសេពគ្រឿងស្រវឹងកាន់តែច្រើនឡើងៗ ត្រូវបានអ្នកជំនាញ ព្រមានថា នឹងធ្វើឱ្យគ្រោះថ្នាក់កើនឡើង ដែលបណ្ដាលមកពីអ្នកបើកបរសេពគ្រឿងស្រវឹង។
លោក យង់ គឹមអេង កត់សំគាល់ថា កំណើននៃការសេពគ្រឿងស្រវឹងដោយសារតែការផ្សព្វផ្សាយគ្រឿងស្រវឹង និងគ្មានការកំណត់អាយុអ្នកសេពគ្រឿងស្រវឹង រួមទាំងការផ្តល់រង្វាន់លើកទឹកចិត្ត។
បើតាមប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ សន្តិភាព ថ្វីបើប្រាក់ចំណូលពីគ្រឿងស្រវឹងមាន ១ ៣៦០ ដុល្លារ តែចំណូលចូលរដ្ឋបានតែជាង២០០លានដុល្លារប៉ុណ្ណោះ ក្នុងមួយឆ្នាំ។ បើធៀបនឹងការខាតបង់ដោយសារតែគ្រោះថ្នាក់បណ្តាលមកពីគ្រឿងស្រវឹងមានរហូតដល់ជាង៥០០លានដុល្លារឯណោះ។ នេះនៅមិនគិតដល់គ្រោះថ្នាក់ដល់សុខភាព នាំឲ្យកើតជំងឺច្រើនមុខដោយសារតែការសេពគ្រឿងស្រវឹងផងនោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ