តុលាការកំពូលរុញសំណុំរឿងម្សៅទឹកដោះគោ Nutrilatt ទៅជំនុំជម្រះឡើងវិញ
តុលាការកំពូលក្រុងភ្នំពេញ នៅព្រឹកថ្ងៃព្រហស្បតិ៍នេះ បានប្រកាសសាលក្រមទាក់ទងសំណុំរឿងម្សៅទឹកដោះគោ Nutrilatt ឲ្យទៅជំនុំជម្រះនៅសាលាឧទ្ធរណ៍ឡើងវិញ ដោយយោងទៅលើហេតុផលថា គ្មានភស្តុតាងគ្រប់គ្រាន់។ ការប្រកាសសាលក្រមនេះ ធ្វើឡើងបន្ទាប់ពីតុលាការកំពូលបានជំនុំជម្រះសំណុំរឿងម្សៅទឹកដោះគោ Nutrilatt កាលពីថ្ងៃពុធទី១៣ធ្នូកន្លងទៅ ក្រោយពេលដែលភាគីក្រុមហ៊ុននាំចូលម្សៅទឹកដោះ Nutrilatt បានប្តឹងសាទុក្ខទៅសាលាឧទ្ធរណ៍ និងប្តឹងជំទាស់នៅតុលាការកំពូល។ ការសម្រេចរបស់តុលាការកំពូលបែបនេះ បានធ្វើឲ្យភាគីអាណាព្យាបាលទាំង២១គ្រួសារ ដែលជាដើមបណ្តឹង មានការខកចិត្ត ដែលខ្លួនរង់ចាំយុត្តិធម៌អូសបន្លាយមកជាង៣ឆ្នាំនេះ។ សម្រាប់ក្រុមក្រុមអាណាព្យាបាលកុមារដែលរងគ្រោះពីម្សៅទឹកដោះគោ Nutrilatt បានចាត់ទុកការសម្រេចរបស់តុលាការបែបនេះ ថាជារឿងអយុត្តិធម៌ និងត្រូវអូសបន្លាយពេលជាបន្តទៀត។
ចុះផ្សាយនៅថ្ងៃ៖
សូមស្តាប់ប្រតិកម្មរបស់លោកស្រី ផុន ពេជ្រវេតា និងលោកស្រី គង់ ច័ន្ទម៉ាលីស ដែលជាតំណាងអាណាព្យាបាលនៃកុមាររងគ្រោះ
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ