សាកលវិទ្យាល័យមួយរបស់អង់គ្លេសបង្កើតសាខាដំបូងនៅកម្ពុជា
សាកលវិទ្យាល័យ De Montfort ជាសាខាសាកលវិទ្យាល័យដំបូងគេរបស់ចក្រភពអង់គ្លេសត្រូវបានបង្កើតឡើងនៅកម្ពុជា ខណៈដំណើរទស្សនកិច្ចរបស់ប្រេសិតពាណិជ្ជកម្មរបស់នាយករដ្ឋមន្ត្រីចក្រភពអង់គ្លេស គឺលោកស្រី Heather Wheeler មកកាន់កម្ពុជានៅសប្តាហ៍នេះ។
ចុះផ្សាយនៅថ្ងៃ៖
ស្តាប់ - ០២:០៨
ក្នុងសុន្ទរកថា របស់លោកស្រីបានបញ្ជាក់ជាថ្មីពីការប្តេជ្ញាចិត្តរបស់ចក្រភពអង់គ្លេសក្នុងការគាំទ្រដល់ការអភិវឌ្ឍន៍របស់កម្ពុជា និងបានលើកឡើងពីតួនាទីសំខាន់ដែលការអប់រំរបស់អង់គ្លេសអាចដើរតួក្នុងការធានាថាកម្ពុជាមានជំនាញដែលត្រូវការដើម្បីបន្តកំណើនសេដ្ឋកិច្ច និងក្នុងការអភិវឌ្ឍទំនាក់ទំនងជិតស្និទ្ធរវាងប្រទេសយើងទាំងពីរ។ នេះបើតាមស្ថានទូតចក្រភពអង់គ្លេសប្រចាំកម្ពុជា។
ប្រេសិតពាណិជ្ជកម្ម របស់ចក្រភពអង់គ្លេសរូបនេះបាន បញ្ចប់ ដំណើរ ទស្សនកិច្ច នៅកម្ពុជា នៅថ្ងៃទី២៦កញ្ញា ដោយលោកស្រីHeather Wheeler បានទៅទស្សនកិច្ច រោងចក្រចក្រ អង់គ្លេស @Dewhirst Cambodia។ បើតាមស្ថានទូតអង់គ្លេស លោកស្រីសំដែងការចាប់អារម្មណ៍ដែលឃើញរោងចក្រមួយនេះផលិតរបស់ដែលមានគុណភាពខ្ពស់ជាមួយនឹងលក្ខខណ្ឌការងារដ៏ល្អឥតខ្ចោះ និងបានស្តាប់ពីរបៀបដែល Dewhirst អាចប្រើប្រាស់គ្រោងការណ៍ពាណិជ្ជកម្មប្រទេសកំពុងអភិវឌ្ឍន៍ដើម្បីទទួលបានការនាំចូលទៅកាន់ចក្រភពអង់គ្លេសដោយមិនជាប់កាតព្វកិច្ចបង់ពន្ធនិងរួមចំណែកក្នុងការអភិវឌ្ឍន៍ប្រទេសកម្ពុជា។
ប្រេសិតពាណិជ្ជកម្មរូបនេះក៏បានជួបរដ្ឋមន្ត្រីក្រសួងពាណិជ្ជកម្មកម្ពុជា លោកស្រី ចម និម្មល ដោយអ្នកទាំងពីរបានរំលឹកឡើងវិញនូវការប្តេជ្ញាចិត្តរបស់ចក្រភពអង់គ្លេសក្នុងការលើកកម្ពស់ទំនាក់ទំនងពាណិជ្ជកម្ម និងវិនិយោគរវាងចក្រភពអង់គ្លេស និងកម្ពុជា។ ពួកគេបានពិភាក្សាអំពីវឌ្ឍនភាពលើវេទិកាពាណិជ្ជកម្ម និងការវិនិយោគរួមរបស់ចក្រភពអង់គ្លេស-កម្ពុជា រួមទាំងការអភិវឌ្ឍន៍ជាវិជ្ជមានក្នុងការបង្កើតយុគសម័យទិញស្របច្បាប់សម្រាប់គ្រឿងស្រវឹង និងគម្រោងពាណិជ្ជកម្មនៃប្រទេសកំពុងអភិវឌ្ឍន៍របស់ចក្រភពអង់គ្លេស។ លោកស្រី Wheeler បានគូសបញ្ជាក់ពីការពង្រីករបស់ចក្រភពអង់គ្លេសក្នុងវិស័យអប់រំ និងសេវាកម្មហិរញ្ញវត្ថុ។
សូមបញ្ជាក់ថា លោកស្រី Wheeler បានធ្វើដំណើរមកកាន់ប្រទេសអាស៊ីអាគ្នេយ៍នៅសប្តាហ៍នេះសម្រាប់ផែនការទស្សនកិច្ចនៅកម្ពុជានិងឡាវ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ