មន្ត្រីរដ្ឋាភិបាលសរសើរសមត្ថភាពលោក ហ៊ុន ម៉ាណែត តែអ្នកតាមដានភូមិសាស្ត្រនយោបាយយល់ថាឆាប់ពេក
លោក ហ៊ុន ម៉ាណែត គឺជាមេដឹកនាំដែលមានវ័យក្មេងជាងគេក្នុងចំណោមមេដឹកនាំទាំង១១ប្រទេស គិតទាំងទីម័រខាងកើត កំពុងចូលរួមក្នុងកិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធនៅប្រទេសឥណ្ឌូនេស៊ី។ រដ្ឋាភិបាលកម្ពុជាបានផ្សព្វផ្សាយចំនុចវិជ្ជមានជាច្រើនរបស់លោក ហ៊ុន ម៉ាណែត ចេញពីវកិច្ចប្រជុំដំបូងនៅឥណ្ឌូនេស៊ី ដូចជាការស្វាគមន៍លោកនាយករដ្ឋមន្ត្រី ហ៊ុន ម៉ាណែត ជាក់ស្តែងនៅលើឆាកតំបន់ និងពិភពលោក ការផ្តើមបញ្ចូនសារសំខាន់ៗទៅកាន់បរទេស ដែលជាការបញ្ជាក់ឡើងវិញក្នុងន័យពង្រឹងជំហររបស់កម្ពុជានៅលើឆាកអន្តរជាតិ ការបង្ហាញពីតម្រូវការសន្តិភាពរបស់កម្ពុជានៅចំពោះមុខភាពតានតឹងនៃបរិបទតំបន់ អន្តរជាតិ និងការប្រជែងគ្នារវាងប្រទេសមហាអំណាចនៅអាស៊ី-ប៉ាស៊ីហ្វិកជាដើម។ នេះបើតាមសំណេរលើហ្វេសប៊ុក លោក ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការការបរទេស និងសហប្រតិបត្តិការអន្តរជាតិ។ ក៏ប៉ុន្តែសម្រាប់លោក វណ្ណ ប៊ុនណា អ្នកសិក្សាស្រាវជ្រាវបញ្ហាភូមិសាស្ត្រនយោបាយ ដែលកំពុងមានវត្តមាននៅកិច្ចប្រជុំកំពូលអាស៊ាននៅឥណ្ឌូនេស៊ីនេះដែរ យល់ឃើញថាលោកពិបាកនឹងធ្វើការសន្និដ្ឋានពីសមត្ថភាពរបស់មេដឹកនាំកម្ពុជាថ្មី ដោយសារជាលើកដំបូងនៃវត្តមានរបស់លោកនៅក្នុងកិច្ចប្រជុំតំបន់ និងអន្តរជាតិ។ សូមស្តាប់លោក វណ្ណ ប៊ុនណា ពីទីក្រុងហ្សាការតា ប្រទេសឥណ្ឌូនេស៊ី៖
ចុះផ្សាយនៅថ្ងៃ៖
ស្តាប់ - ០៥:០៩