ស្រ្តីរកស៊ីផ្លូវភេទជាង៣០នាក់ត្រូវបានអាជ្ញាធរខណ្ឌពោធិសែនជ័យចុះប្រមូលយកមកអប់រំ និងណែនាំ
អាជ្ញាធរខណ្ឌពោធិសែនជ័យ បានចុះចាប់ស្រ្តីរកស៊ីសេវាកម្មផ្លូវភេទនៅតាមបណ្តោយផ្លូវចោមចៅ ឬផ្លូវវេងស្រេង ដើម្បីយកទៅធ្វើការអបរំ រួចធ្វើការដោះលែងពួកគេវិញ។ លោក ផុន សុផាន អភិបាលរងនៃគណៈអភិបាលខណ្ឌពោធិសែនជ័យ បានបញ្ជាក់ប្រាប់វិទ្យុបារាំងអន្តរជាតិ RFI ថាការចុះប្រមូលនារីៗរកស៊ីផ្លូវភេទបានសរុបចំនួន ៣៤នាក់ ក្នុងនោះមានភេទទី៣ ចំនួន១១នាក់។ ការចុះប្រមូលនារីៗទាំងនេះ ដោយសារពួកគេរកស៊ីសេវាកម្មផ្លូវភេទនៅតាមផ្លូវសាធារណ ដែលធ្វើឲ្យខូចសណ្ដាប់ធ្នាប់ ខណៈមុនការចុះប្រមូលនេះ អាជ្ញាធរបានធ្វើការអប់រំណែនាំ និងផ្សព្វផ្សាយជាច្រើនលើកច្រើនសារផងដែរ។
ចុះផ្សាយនៅថ្ងៃ៖
សូមស្តាប់លោក ផុន សុផាន៖
សូមបញ្ជាក់ថា ការចុះប្រមូលនារីៗរកស៊ីសេវាកម្មផ្លូវភេទពីសំណាក់អាជ្ញាធរខណ្ឌពោធិសែនជ័យនេះ ត្រូវបានអ្នកលេងបណ្ដាញសង្គមខ្លះប្រតិកម្មផងដែរ ដោយអ្នកខ្លះបានលើកឡើងថា ការធ្វើបែបនេះនឹងធ្វើឲ្យប៉ះពាល់ដល់ជីវភាពរបស់ពួកគេប្រចាំថ្ងៃជាដើម។ ជាមួួយគ្នានេះរដ្ឋមន្រ្តីក្រសួងព័ត៌មាន លោក ខៀវ កាញារីទ្ធ ចេញមកប្រតិកម្មចំពោះរឿងនេះដែរ ដោយលោកចាត់ទុកស្រ្តីរកស៊ីសេវាកម្មផ្លូវភេទ ជាកោសិកាសង្គមមួយ។ ទន្ទឹមនឹងប្រតិកម្ម ក៏មានការគាំទ្រចំពោះអាជ្ញាធរដែលចុះប្រមូលនារីៗរកស៊ីផ្លូវភេទទាំងនេះនៅលើដងផ្លូវសាធារណៈដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ