លោក ហ៊ុន សែន៖ បិទវិទ្យុ VOD មិនធ្វើឲ្យសេរីភាពសារព័ត៌មាននៅកម្ពុជាងាប់ទេ
នៅក្នុងពិធីចែកសញ្ញាបត្រដល់សិស្ស និស្សិតនៃសកលវិទ្យាល័យធនធានមនុស្សនាព្រឹកថ្ងៃចន្ទ ទី២០ ខែកុម្ភៈនេះ លោកនាយករដ្ឋមន្ត្រី ហ៊ុន សែន បានលើកឡើងថាលោកបានប្រាប់ទៅរដ្ឋមន្ត្រីក្រសួងមុខងារសាធារណៈ លោក ព្រុំ សុខា ឲ្យទទួលយកបុគ្គលិកវិទ្យុ VOD ណា ដែលនៅក្នុងក្របខណ្ឌពេញសិទ្ធិ។ ដោយសម្តែងនូវការមិនពេញចិត្តចំពោះបុគ្គលិក VOD ដែលបដិសេធទទួលយកការងារ ដែលលោកផ្តល់ឲ្យក្រោយការបិទ លោក ហ៊ុន សែន បញ្ជាក់ថាវិទ្យុ VOD មិនអាចរស់ឡើងវិញបានទេ ដោយសារលោកផ្តល់ឱកាសឲ្យធ្វើការសុំទោស ក៏ប៉ុន្តែវិទ្យុ VOD មិនធ្វើតាម។ លោកនាយករដ្ឋមន្ត្រី ក៏បានព្រមានផងដែរដល់ជនបរទេសនានា កុំឲ្យពាក់ព័ន្ធនៅក្នុងរឿងនេះ ដោយលោកលើកហេតុការណ៍នៅប្រទេសឥណ្ឌាជាឧទាហរណ៍ ដែលសមត្ថកិច្ចឥណ្ឌាបញ្ជូនកម្លាំងទៅឆែកឆេរការិយាល័យវិទ្យុ BBC នៅប្រទេសឥណ្ឌា ពាក់ព័ន្ធនឹងការផ្សាយមិនល្អពីមេដឹកនាំឥណ្ឌា។ តែលោក ហ៊ុន សែន អះអាងថាលោកមិនធ្វើដូច្នោះទេ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក ហ៊ុន សែន៖
សូមរំលឹកថា ក្រោយលោកនាយករដ្ឋមន្ត្រី ហ៊ុន សែន សម្រេចបិទវិទ្យុ VOD កាលពីសប្តាហ៍មុន ដោយរដ្ឋាភិបាលយល់ថាផ្សាយខុស ហើយផ្តល់ឱកាសឲ្យសុំទោស តែមិនមានការសុំទោសដូចអ្វីដែលលោក ហ៊ុន សែន ចង់បាន ភាពចម្រូងចម្រាសនៃមតិ ក៏បានកើតឡើងយ៉ាងខ្លាំង។ ទីបំផុតបុគ្គលិក VOD ចំនួន៨នាក់ ត្រូវបានបង្ហើបដោយលោកនាយករដ្ឋមន្ត្រីកាលពីពេលថ្មីៗនេះ ថាបានទៅដាក់ពាក្យសុំចូលបំរើការងាររដ្ឋ តាមការអនុគ្រោះរបស់លោក។ ក៏ប៉ុន្តែ ក៏មានផងដែរបុគ្គលិក ដែលមិនទទួលយកការផ្តល់ការងាររបស់រាជការ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ