ក្រសួងផែនបន្តធានាថា ធ្វើការដោយតម្លាភាពក្នុងការផ្ដល់ប្រាក់ឧបតម្ថជូនគ្រួសារក្រីក្រ
ជាថ្មីម្ដងទៀតមន្ត្រីក្រសួងផែនការបានអះអាងថា ធ្វើការដោយតម្លាភាពក្នុងការផ្ដល់ប្រាក់ឧបតម្ថជូនគ្រួសារក្រីក្រនៅចំពោះមុខសំណួរដែលចោទឡើងថា ការផ្ដល់ប្រាក់ឧបត្ថម្ភជូនគ្រួសារក្រីក្រីធ្វើឡើងដោយប្រកាន់បក្ខពួក រើសអើងនិន្នាការនយោបាយ…ជាដើម។ ជំហរស្អាតស្អំរបស់ក្រសួងផែនការបានបង្ហាញនៅក្នុងកម្មវិធីសប្តាហ៍គាំពារសង្គម ឆ្នាំ២០២៣ដែលរៀបចំឡើងនាពេលថ្មីៗនេះ។
ចុះផ្សាយនៅថ្ងៃ៖
សូមស្ដាប់ការលើកឡើងរបស់លោក ថេង បញ្ញាធន់ ប្រតិភូរដ្ឋាភិបាលទទួលបន្ទុកអគ្គនាយកផែនការនៃក្រសួងផែនការ។
សារលិខិតស្តីពីការដាក់ឱ្យអនុវត្តកម្មវិធីឧបត្ថម្ភសាច់ប្រាក់ ចុះហត្ថលេខាដោយលោកនាយករដ្ឋមន្ត្រី ហ៊ុន សែន ចុះថ្ងៃទី៣ ខែធ្នូ ឆ្នាំ២០២២ រដ្ឋាភិបាលកម្ពុជា បានដាក់ឱ្យដំណើរការកម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យ ក្នុងអំឡុងពេលមានសម្ពាធអតិផរណា និងគ្រួសារដែលរងគ្រោះដោយសារទឹកជំនន់ ដោយក្នុង១គ្រួសារនឹងទទួលបានប្រាក់ឧបត្ថម្ភប្រមាណ១០ម៉ឺនរៀល ដើម្បីជួយសម្រួលក្នុងការដោះស្រាយជីវភាព។ ការឧបត្ថម្ភនេះបែងចែកទៅតាមកម្រិតតំបន់រួមមាន ការឧបត្ថម្ភនៅរាជធានីភ្នំពេញ ១គ្រួសារទទួលបាន ៩៩ ៩០០ រៀលហើយសមាជិកគ្រួសារនឹងទទួលបានបន្ថែមម្នាក់ៗ ២៨ ០០០រៀលក្រៅពីប្រាក់គោលអាស្រ័យលើសមាជិកគ្រួសារតិចឬច្រើន។ ទីប្រជុំជន ១គ្រួសារទទួលបាន ៨៧ ៣០០រៀលសមាជិកគ្រួសារបន្ថែមម្នាក់ៗ ២៤ ០០០រៀល និងជនបទក្នុង១គ្រួសារទទួលបាន៨១ ៣០០រៀលសមាជិកគ្រួសារបន្ថែមក្នុងម្នាក់ៗ២០០០០រៀល។ កម្មវិធីផ្តល់សាច់ប្រាក់ឧបត្ថម្ភធ្វើឡើងចំនួន៣លើក។ លើកទី១ នៅថ្ងៃទី១០ ខែធ្នូ ឆ្នាំ២០២២ លើកទី២ នៅថ្ងៃទី១០ ខែមេសា ឆ្នាំ២០២៣ និងលើកទី៣ នៅថ្ងៃទី១០ ខែកក្កដា ឆ្នាំ២០២៣៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ