លោក ស ខេង ថាមាត្រាចំនួន៩ ក្នុងចំណោម១៦នៃច្បាប់ស្តីពីសមាគមនិងអង្គការក្រៅរដ្ឋាភិបាលត្រូវបានជជែកស្រុះស្រួលគ្នាហើយ
នៅក្នុងពិធីបើកវេទិកាស្ដីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិលលើកទី៥ នាព្រឹកថ្ងៃអង្គារនេះនៅសណ្ឋាគារសុខារាជធានីភ្នំពេញ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃបានថ្លែងទៅកាន់អ្នកកាសែតថា បរិយាកាសនៃកិច្ចប្រជុំលើកទី៥ រវាងអង្គការសង្គមស៊ីវិល និងរដ្ឋាភិបាលបានប្រព្រឹត្តទៅល្អ។ តាមលោក ស ខេង ក្រុមការងាររាជរដ្ឋាភិបាល និងតំណាងអង្គការសង្គមស៊ីវិល បានស្រុះស្រួលគ្នាលើខ្លឹមសារដែលបានកែសម្រួលចំនួន៩មាត្រា ក្នុងចំណោមខ្លឹមសារចំនួន១៦ នៃច្បាប់ស្តីពីសមាគមនិងអង្គការក្រៅរដ្ឋាភិបាល ដែលបានស្នើឡើងដោយអង្គការសង្គមស៊ីវិល។ ចំណែកមាត្រាដែលនៅសេសសល់ចំនួន៧ទៀត ភាគីសង្គមស៊ីវិលបានស្នើឲ្យមានការពិនិត្យពិភាក្សាផ្ទៃក្នុងឡើងវិញ ដើម្បីដាក់ជូនមកក្រសួងមហាផ្ទៃម្តងទៀត។
ចុះផ្សាយនៅថ្ងៃ៖
សូមស្តាប់ប្រសាសន៍លោក ស ខេង៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ