ពលរដ្ឋដែលរងការរំលោភដីធ្លីនៅខេត្តមណ្ឌលគិរី ស្នើកិច្ចអន្តរាគមន៍ពីរដ្ឋមន្ត្រីក្រសួងមហាផ្ទៃ
តំណាងពលរដ្ឋចំនួន ៩គ្រួសារ ដែលរងការរំលោភដីធ្លីទំហំ ៣៥,៤២៤ ហិកតា នៅស្រុកអូររាំងខេត្តមណ្ឌលគិរី នាថ្ងៃទី៦ ធ្នូនេះ បានដាក់ពាក្យបណ្ដឹងទៅ លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីសុំកិច្ចអន្តរាគមន៍។ បើតាមពាក្យបណ្ដឹង គ្រួសារទាំង ៩ បានចោទថា លោក សៀក មុនី ដែលជាអភិបាលអូររាំង និងឧកញ៉ា ស្រី ចន្ធូ បានលួចចុះបញ្ជីរយកដីចំការរបស់ពួក។ លោក គូ ហឿន ដែលជាតំណាងគ្រួសាររងគ្រោះម្នាក់ បានប្រាប់វិទ្យុបារាំងអន្តរជាតិ RFI ថា លោកសង្ឃឹមថា រដ្ឋមន្ត្រីក្រសួងមហាផ្ទៃនឹងជួយដោះស្រាយបញ្ហាដីធ្លីជូនគ្រួសាររងគ្រោះទាំងអស់ឱ្យបានឆាប់រហ័ស ខណៈអាជ្ញាធរខេត្តព្យាយាមពន្យារ និងមិនបានផ្ដល់ដំណោះស្រាយជូនពួកគេ។
ចុះផ្សាយនៅថ្ងៃ៖
សូមស្ដាប់ការលើកឡើងរបស់ លោក គូ ហឿន៖
គួរជម្រាបជូនថា ដីរបស់ពលរដ្ឋទាំង ៩គ្រួសារ ស្ថិតនៅភូមិពូរ៉ាង ឃុំសែនមនោរម្យ ស្រុកអូររាំង ខេត្តមណ្ឌលគិរី។ បើតាមពាក្យបណ្ដឹង គ្រួសារទាំង ៩នេះបានកាន់កាប់ដីដែលមានទំហំ ៣៥,៤២៤ ហិកតានេះ តាំងពីឆ្នាំ១៩៩៧ មក ហើយត្រូវបាន លោក សៀក មុនី ដែលជាអភិបាលអូររាំង លួចចុះបញ្ជីរដីនេះទៅជាកម្មសិទ្ធិរបស់ ឧកញ៉ា ស្រី ចន្ធូ កាលពីឆ្នាំ២០២០។ បើតាមពាក្យបណ្ដឹងដដែល គ្រួសាររងគ្រោះ បានដាក់ពាក្យបណ្ដឹងតវ់ាជាបន្ដបន្ទាប់ ទៅកាន់សាលាខេត្តមណ្ឌលគិរី ក្រសួងមហាផ្ទៃ និងក្រសួងរៀបចំដែនដី តែពុំទទួលបានដំណោះស្រាយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ