ក្រសួងបរិស្ថានប្រកាសពីការរកឃើញ ផូស៊ីលឆ្អឹងសត្វដាយណូស័រនៅខេត្តកោះកុង

អ្នកនាំពាក្យក្រសួងបរិស្ថាន លោក នេត្រ ភក្ត្រា បានឱ្យដឹងថា ផូស៊ីលឆ្អឹងសត្វដែលត្រូវបានរកឃើញនៅខេត្តកោះកុង គឺជាផូស៊ីលឆ្អឹងសត្វដាយណូស័រ​ បន្ទាប់ពីមានការពិនិត្យ និងបញ្ជាក់ដោយមន្ត្រីជំនាញ។ ថ្លែងប្រាប់វិទ្យុបារាំងអន្តរជាតិ RFI នៅថ្ងៃទី២៧ ខែតុលា ឆ្នាំ២០២២នេះ លោក នេត្រ ភក្ត្រា រំពឹងថា ការរកឃើញផូស៊ីលឆ្អឹងសត្វដាយណូស័រនេះ នឺងទាក់ទាញពលរដ្ឋទៅទស្សានាកន្លែងរកឃើញផូស៊ីលនេះ ដែលជាតំបន់មានផូស៊ីលឆ្អឹងសត្វដាយណូស័រ។ 

ផូស៊ីលឆ្អឹងសត្វដាយណូស័រនៅខេត្តកោះកុង © AKP

01:43

សូមស្ដាប់ការពន្យល់របស់ លោក នេត្រ ភក្ត្រា៖

គួរជម្រាបជូនថា ផូស៊ីលឆ្អឹងសត្វដាយណូស័រ ត្រូវបានរកឃើញដោយអ្នកជំនាញក្រសួងបរិស្ថាន នៅ កោះប៉ោ ឃុំបាក់ខ្លង ស្រុកមណ្ឌលសីម៉ា ខេត្តកោះកុង។ បើតាមប្រធានមន្ទីរបរិស្ថានខេត្តកោះកុង ឆ្អឹងនេះមានទំហំធំ ដែលប្រហាក់ប្រហែលនឹងឆ្អឹងស្មងជើងសត្វដំរី៕