រដ្ឋបាលខេត្តកំពង់ធំរំលឹកប្រជាពលរដ្ឋឱ្យបង្កើនការប្រុងប្រយ័ត្នចំពោះទឹកជំនន់ទឹកភ្លៀង
អភិបាលរងខេត្តកំពង់ធំ លោក សុក ហៃ បានក្រើនរម្លឹកឱ្យប្រជាពលរដ្ឋក្នុងខេត្តកំពង់ធំ មានការប្រុងប្រយ័ត្នខ្ពស់ ខណៈកម្ពស់ទឹកស្ទឹងសែន កើនឡើងលើសកម្រិតប្រុងប្រយ័ត្ន។ ប្រាប់វិទ្យុបារាំងអន្តរជាតិ នៅថ្ងៃសុក្រនេះ លោក សុក ហៃ បានឱ្យដឹងថា ស្ថានភាពកម្ពស់ទឹកស្ទឹងសែន គិតត្រឹមព្រឹកថ្ងៃសុក្រនេះ គឺ ១៤.០៨ម៉ែត្រ ដែលលើសកម្រិតប្រុងប្រយ័ត្នជាងកន្លះម៉ែត្រ។
ចុះផ្សាយនៅថ្ងៃ៖
សូមស្តាប់ការពន្យល់របស់លោក សុក ហៃ៖
គួរជម្រាបជូនថា រដ្ឋបាលខេត្តកំពង់ធំកាលពីថ្ងៃទី៦ ខែតុលា ឆ្នាំ២០២២ បានចេញសេចក្ដីជូនដំណឹងដល់សាធារណៈជន ជាពិសេស ប្រជាពលរដ្ឋ ដែលរស់នៅតាមដងស្ទឹង ក្នុងស្រុកសណ្តាន់ ស្រុកប្រាសាទសំបូរ ស្រុកកំពង់ស្វាយ ស្រុកសន្ទុក ក្រុងស្ទឹងសែន ស្រុកបារាយណ៍ និងស្រុកស្ទោង ឱ្យមានការប្រុងប្រយ័ត្នខ្ពស់នឹងស្ថានភាពទឹកស្ទឹងសែនផ្នែក ខាងលើ ដែលកំពុងកើនឡើងជាលំដាប់ ដោយផ្អែកតាមការព្យាការណ៍របស់ក្រសួងធនធានទឹក និងឧតុនិយម ថាអាចមានភ្លៀងធ្លាក់ក្នុងកម្រិតពីតិចទៅច្រើនក្នុងសប្ដាហ៍នេះ ដែលធ្វើឲ្យកម្ពស់ទឹកស្ទឹងសែននៅស្ថានីយ៍វាស់កម្ពស់ទឹកកំពង់ធំ អាចឡើងដល់កម្រិតប្រកាស អាសន្ន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ