កំណាត់ផ្លូវជាតិលេខ៥ក្នុងខេត្តកំពង់ឆ្នាំងត្រូវជំនន់ទឹកភ្លៀងហូរកាត់ ធ្វើឲ្យចរាចរណ៍កកស្ទះមួយរយៈ
ជំនន់ទឹកភ្លៀងបានហូរកាត់កំណាត់ផ្លូវជាតិលេខ៥ ត្រង់ចំណុចស្រុកសាមគ្គីមានជ័យ ខេត្តកំពង់ឆ្នាំងចាប់តាំងពីម៉ោង៩យប់ ថ្ងៃទី២១ ខែកក្កដាម្សិលមិញ រហូតមកទល់ព្រឹកថ្ងៃសុក្រនេះ ជាហេតុធ្វើឲ្យចរាចរណ៍តាមផ្លូវជាតិលេខ៥ ត្រង់ចំណុចនោះមានការកកស្ទះ។ លោក វន ស៊ីផា អភិបាលស្រុកសាមគ្គីមានជ័យ ថ្លែងប្រាប់វិទ្យុបារាំងអន្តរជាតិ RFI នៅថ្ងៃនេះថា អាជ្ញាធរខេត្តបានសម្រេចផ្អាកការធ្វើដំណើរកាត់កំណាត់ផ្លូវដែលលិចលង់ជាបណ្តោះអាសន្ន ដោយបង្វែរទិសដៅចរាចរណ៍កាត់តាមផ្លូវវាងវិញ ដើម្បីបង្ការគ្រោះថ្នាក់ជាយថាហេតុ។ តាមលោកអភិបាលស្រុក ការបើកឲ្យធ្វើចរាចរណ៍លើកំណាត់ផ្លូវដែលលិចលង់នេះឡើងវិញ នឹងត្រូវកំណត់ដោយអ្នកជំនាញជប៉ុន ដែលកំពុងស្ថាបនាកំណាត់ផ្លូវជាតិលេខ៥នេះ ក្នុងពេលឆាប់ៗខាងមុខ ខណៈដែលទឹកបានស្រកទៅវិញជាបណ្តើរៗហើយ។
ចុះផ្សាយនៅថ្ងៃ៖
លោក វន សុផា៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ