លោកហ៊ុន សែន៖ គ្មានការបិទប្រទេសឡើងវិញ ទោះកូវីដផ្ទុះខ្លាំង
លោកនាយករដ្ឋមន្ត្រីហ៊ុន សែន នៅព្រឹកថ្ងៃពុធទី ៦ខែកក្កដានេះ នៅតែបន្តក្រើនរម្លឹកឱ្យប្រជាជនទាំងអស់ មានការប្រុងប្រយ័ត្នខ្ពស់ចំពោះជំងឺកូវីដ១៩ ខណៈតួលេខនៃការឆ្លងជំងឺនេះនៅតែមានការកើនឡើង ជាពិសេសក្នុងតំបន់អាស៊ីអាគ្នេយ៍។ យ៉ាងណាមិញ លោកនាយរដ្ឋមន្ត្រីកម្ពុជា បានអះអាងថា នឹងមិនមានការចាំបាច់ ក្នុងការបិទរោងចក្រ សាលារៀន ទីផ្សារ ឬ បិទប្រទេសឡើងវិញនោះទេ ប្រសិនបើមានការផ្ទុះករណីឆ្លងខ្លាំងក៏ដោយ។ ហើយសម្រាប់អ្នកដំណើរពីក្រៅប្រទេស ក៏មិនតម្រូវឲ្យមានការធ្វើចត្តាឡីស័ក ១៤ថ្ងៃ ឬ ៧ថ្ងៃអ្វីដែរ។ តាមលោក ហ៊ុន សែន មូលហេតុដែលមិនអាចធ្វើឱ្យកម្ពុជា ឈានដល់ដំណាក់កាលបិទប្រទេស ព្រោះកម្ពុជា សម្រេចបានការចាក់វ៉ាក់សាំងបង្ការកូវីដ១៩ គ្រប់គ្រាន់។ ប៉ុន្តែលោកហ៊ុន សែន នៅតែបន្តអំពាវនាវឱ្យពលរដ្ឋទៅទទួលយកវ៉ាក់សាំងដូសជម្រុញបន្ថែមទៀត ដើម្បីភាពសុំាក្នុងសហគមន៍។ សូមបញ្ជាក់ថា ការថ្លែងរបស់លោកប្រមុខដឹកនាំរដ្ឋាភិបាលកម្ពុជានេះ បានធ្វើឡើង ក្នុងពិធីជួបសំណេះសំណាលជាមួយ ប្រតិភូកីឡាអាស៊ានប៉ារ៉ាហ្គេម នៅព្រឹកថ្ងៃទី ៦កក្កដានេះ។
ចុះផ្សាយនៅថ្ងៃ៖
សូមស្តាប់ប្រសាសន៍លោកនាយករដ្ឋមន្ត្រីហ៊ុន សែន ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ