ក្រសួងពាណិជ្ជកម្មគ្រោងបន្ថយពេល១៥ថ្ងៃមកនៅ១០ថ្ងៃក្នុងការកំណត់តម្លៃប្រេងឥន្ធនៈ
នៅចំពោះមុខការហក់ឡើងខ្ពស់នៃតម្លៃប្រេងពីមួយថ្ងៃទៅមួយថ្ងៃ ក្រសួងពាណិជ្ជកម្មបានបង្ហាញយន្តការសង្គ្រោះបឋមដោយគ្រោងកាត់បន្ថយពេលវេលា១៥ថ្ងៃមកនៅ១០ថ្ងៃវិញ ក្នុងការកំណត់តម្លៃប្រេងឥន្ធនៈ។ ការធ្វើបែបនេះ ដើម្បីដើរឱ្យទាន់ពីការឡើងចុះនៃតម្លៃប្រេងឥន្ធនៈនៅក្នុងពិភពលោក។ នេះបើតាមការគូសបញ្ជាក់ពីសំណាក់រដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្តិ នៅថ្ងៃទី១៤មីនាម្សិលមិញ។
ចុះផ្សាយនៅថ្ងៃ៖
លោក ប៉ាន សូរស័ក្តិ៖
តម្លៃប្រេងកំពុងក្លាយជាកង្វល់សម្រាប់អ្នកក្រីក្រ និងអ្នកមានជីវភាពមធ្យម។ ហើយមុខរបរដឹកជញ្ជូនមួយចំនួនផ្អាកលែងវិលកងបណ្ដោះអាសន្នដោយសារតែតម្លៃប្រេងកំពុងចោទជាបញ្ហា។ អ្នកខ្លះលើកឡើងថា តម្លៃប្រេងនិងបំណុលធនាគារអំឡុងពេលកូវីដ១៩ ដែលកើតឡើងដំណាលគ្នានេះ កំពុងរួមរឹតដង្ហើមសេដ្ឋកិច្ចគ្រួសារ។ សូមជម្រាបជូនថា ក្នុងខែមករា ឆ្នាំ ២០២២ ប្រេងសាំងធម្មតាមានតម្លៃចាប់ពី ៤,២០០ ទៅ ៤,៣៥០ រៀលក្នុងមួយលីត្រ។ នៅខែកុម្ភៈ តម្លៃចាប់ពី ៤,៥០០ ទៅ ៤,៧០០ រៀលក្នុងមួយលីត្រ ចំណែកពីថ្ងៃទី ១ ដល់ថ្ងៃទី ១៥ ខែមីនានេះ ប្រេងសាំងធម្មតាមានតម្លៃ ៤៨០០ រៀលក្នុងមួយលីត្រ។ នេះបើតាមសេចក្តីប្រកាសរបស់ក្រសួងពាណិជ្ជកម្មកម្ពុជា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ