លោក ស ខេង៖ រដ្ឋមន្ត្រីក្រសួងសមី នឹងជាប់ជំពាក់នឹងការបំផ្លាញសុខភាពសាធារណៈ បើមើលស្រាលការនាំសារធាតុផ្សំគ្រឿងញៀនចូលកម្ពុជា
នៅក្នុងពិធីប្រគល់រថយន្តដល់វរសេនាតូចនគរបាលការពារព្រំដែនប្រចាំទិសភូមិភាគទី១ ភូមិភាគទី២ និងភូមិភាគទី៣ នាព្រឹកថ្ងៃអង្គារនេះ នៅអគ្គស្នងការដ្ឋាននគរបាលជាតិ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃបានថ្លែងថា រដ្ឋមន្ត្រីដែលកាន់កាប់ក្រសួងពាក់ព័ន្ធនឹងការផ្តល់អាជ្ញាប័ណ្ណឲ្យនាំសារធាតុញៀនចូលកម្ពុជាត្រូវមើលបញ្ហានេះឲ្យបានច្បាស់លាស់។ លោក ស ខេង ព្រមានថាប្រសិនបើនៅតែមើលស្រាលបញ្ហានាំសារធាតុផ្សំគ្រឿងញៀននេះទៀត រដ្ឋមន្ត្រីរូបនោះ នឹងជាប់ពាក់ព័ន្ធនឹងការបំផ្លាញសុខភាពសាធារណៈ និងបំផ្លាញសេដ្ឋកិច្ច សង្គម ផងដែរ។ ជាមួយគ្នានេះ លោក ស ខេង ក៏បានប្រាប់ទៅអាជ្ញាធរជាតិប្រឆាំងគ្រឿងញៀនផងដែរ ឲ្យតាមមើលដោយយកចិត្តទុកដាក់លើបញ្ហានាំចូលសារធាតុផ្សំ ដែលនាំចូលដោយស្របច្បាប់ទាំងអស់នេះ។
ចុះផ្សាយនៅថ្ងៃ៖
សូមស្តាប់ប្រសាសន៍ លោក ស ខេង៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ