លោកសុខ ឥសាន៖ បេក្ខភាពឈរឈ្មោះជានាយករដ្ឋមន្ត្រីដែលបោះឆ្នោតនៅថ្ងៃស្អែក មានអ្នកឈរឈ្មោះតែមួយនាក់គត់
គណបក្សប្រជាជនកម្ពុជានឹងរៀបចំសន្និបាតរបស់គណៈកម្មាធិការកណ្តាលគណបក្ស នៅព្រឹកថ្ងៃស្អែកនេះ ដើម្បីសម្រេចជ្រើសរើសបេក្ខភាព អ្នកបន្តវេនជានាយករដ្ឋមន្ត្រីនាពេលអនាគត។ លោកសុខ ឥសាន អ្នកនាំពាក្យគណបក្សប្រជាជនកម្ពុជា បានគូសបញ្ជាក់ប្រាប់វិទ្យុបារាំងអន្តរជាតិនៅថ្ងៃព្រហស្បតិ៍នេះថា សន្និបាតនៅថ្ងៃស្អែកនេះ នឹងលើកឡើងនូវរបៀបវារៈចំនួន៤។ ក្នុងនោះទី១ ស្តីអំពីការជ្រើសតាំងអនុប្រធានគណបក្សចំនួន២រូបបន្ថែម ទី២ការសម្រេចបេក្ខភាពឈរឈ្មោះជានាយករដ្ឋមន្ត្រី ទី៣គឺការរៀបចំទិសដៅការងារសម្រាប់ការបោះឆ្នោតឃុំ-សង្កាត់ នាឆ្នាំក្រោយ និងទី៤ គឺជាការណែនាំរបស់ប្រធានគណបក្សប្រជាជនកម្ពុជា លោកហ៊ុន សែន។ ការសម្រេចបេក្ខភាពឈរឈ្មោះជានាយករដ្ឋមន្ត្រី ត្រូវបានលោកសុខ ឥសាន បញ្ជាក់ថា មានបេក្ខភាពតែមួយរូបប៉ុណ្ណោះដែលឈរឈ្មោះសម្រាប់ការបោះឆ្នោតនៅថ្ងៃស្អែកនេះ តែលោកមិនបញ្ជាក់ថា ជានរណានោះទេ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោកសុខ ឥសាន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ