បេក្ខភាពនាយករដ្ឋមន្ដ្រីនាពេលអនាគត៖ លោក ស ខេង ថានឹងគោរពតាមការសម្រេចរបស់បក្ស
នៅទីបំផុតទៅ លោក ស ខេង អនុប្រធានគណបក្សប្រជាជនកម្ពុជា បានប្រកាសពីជំហររបស់លោកហើយ ជុំវិញបេក្ខភាពនាយករដ្ឋមន្ដ្រីបន្តពីលោកនាយករដ្ឋមន្ដ្រី ហ៊ុន សែន។ លោក ស ខេង តាមរយៈសារផ្ញើជូនជនរួមជាតិ នៅថ្ងៃអង្គារទី០៧ខែធ្នូម្សិលមិញ សង្កត់ធ្ងន់ថា លោកតែងតែគោរព និងគាំទ្រសេចក្ដីសម្រេចរបស់មហាសន្និបាត និងសន្និបាតរបស់គណបក្សប្រជាជនកម្ពុជា ក្នុងការជ្រើសតាំងលោក ហ៊ុន សែន ជានាយករដ្ឋមន្ដ្រី សម្រាប់អាណត្តិនេះ និងអាណត្តិបន្តបន្ទាប់ទៀត។
ចុះផ្សាយនៅថ្ងៃ៖
ចំពោះការជ្រើសរើសបេក្ខភាពនាយករដ្ឋមន្ដ្រី នាពេលអនាគត អនុប្រធានគណបក្សប្រជាជនកម្ពុជារូបនេះ បញ្ជាក់ថា លោកក៏នឹងគោរពតាមការសម្រេចរបស់គណបក្សប្រជាជនកម្ពុជា ដែលដឹកនាំដោយលោក ហ៊ុន សែន ដូចគ្នាដែរ។ ការប្រកាសរបស់លោក ស ខេង យ៉ាងដូច្នេះ ធ្វើឡើងបន្ទាប់ពីលោក ហ៊ុន សែន បានប្រកាសគាំទ្រកូនប្រុសច្បងរបស់ខ្លួន គឺលោក ហ៊ុន ម៉ាណែត ជាបេក្ខភាពនាយករដ្ឋមន្ដ្រី បន្តពីរូបលោក។
យ៉ាងណាក៏ដោយ បើតាមប្រធានគណបក្សប្រជាជនកម្ពុជា លោក ហ៊ុន ម៉ាណែត មែនទែនទៅ មិនទាន់ដល់ពេលធ្វើជានាយករដ្ឋមន្ត្រីភ្លាមៗទេ ដ្បិតថ្នាក់ដឹកនាំចាស់ៗ កំពុងឈរជើងនៅឡើយ នៅក្នុងជួរបក្សកាន់អំណាច។ លោក ហ៊ុន សែន បញ្ជាក់បន្ថែមថា គណបក្សប្រជាជននឹងមិនរៀបចំផ្លាស់ប្តូរបេក្ខភាពនាយករដ្ឋមន្ត្រីក្នុងរវាង៨ទៅ១០ឆ្នាំខាងមុខនេះទេ ខណៈដែលលោក ហ៊ុន សែន អះអាងថា សុខភាពលោកនៅរឹងមាំ និងអាចបន្តដឹកនាំប្រទេសបាន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ