បណ្ឌិតសុខ សុក្រឹត្យា៖ ថៃនិងកម្ពុជាកំពុងជជែកគ្នាដើម្បីរកយន្តការផ្តល់វ៉ាក់សាំងកូវីដជូនពលរដ្ឋខ្មែរនៅប្រទេសថៃ
លោកបណ្ឌិត សុខ សុក្រឹត្យា ទីប្រឹក្សាផ្ទាល់នាយករដ្ឋមន្ត្រី ហ៊ុន សែន និងជាមន្ត្រីកម្ពុជាកំពុងបំពេញបេសកកម្មនៅប្រទេសថៃ បានប្រាប់វិទ្យុបារាំងRfi នៅថ្ងៃទី៤វិច្ឆិកានេះថា ភាគីថៃនិងកម្ពុជាកំពុងធ្វើការជជែកគ្នា ដើម្បីរកយន្តការកិច្ចសហប្រតិបត្តិការឈានទៅការផ្តល់វ៉ាក់សាំងកូវីដជូនពលរដ្ឋខ្មែរនៅប្រទេសថៃក្នុងពេលខាងមុខនេះ។ បើតាមលោកបណ្ឌិត ភាគីថៃបានផ្តល់ជម្រើស២សម្រាប់កម្ពុជាគឺ៖ ទី១ កម្ពុជាអាចផ្តល់វ៉ាក់សាំងកូវីដចាក់ជូនប្រជាពលរដ្ឋខ្មែរនៅប្រទេសថៃបាន តែការចាក់ត្រូវអនុវត្តដោយរដ្ឋាភិបាលថៃ និងទី២ រដ្ឋាភិបាលថៃ មានជំហ៊រចាក់វ៉ាក់សាំងអោយពលរដ្ឋខ្មែរតែម្តង។
ចុះផ្សាយនៅថ្ងៃ៖
ស្តាប់ - ០១:៥៧
គួរជម្រាបជូនថា កាលពីពេលថ្មីៗនេះ លោកនាយករដ្ឋមន្ត្រី ហ៊ុន សែន បានប្រាប់ទៅមន្ត្រីរបស់លោកអោយបើកការជជែកជាមួយភាគីថៃដើម្បីស្វែងរកលទ្ធភាពបញ្ជូនវ៉ាក់សាំងកូវីដ១៩ពីកម្ពុជាទៅចាក់អោយពលរដ្ឋខ្មែរដែលកំពុងធ្វើការនិងស្នាក់នៅក្នុងប្រទេសថៃ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ