លោកស្រី ឱ វណ្ណឌីន៖ កម្ពុជាមិនមែនមិនចង់ទិញវ៉ាក់សាំងអាមេរិកទេ តែទិញមិនបាន
នៅក្នុងពិធីប្រគល់ថវិកាឧបត្ថម្ភរបស់លោកនាយករដ្ឋមន្ត្រី ហ៊ុន សែន ដល់អ្នកស្រី ផេង សឿន ដែលជាអ្នកចាក់វ៉ាក់សាំងដូសទី៦លាន នៅស្រុកចំការលើ ខេត្តកំពង់ចាម នាព្រឹកថ្ងៃអង្គារនេះ លោស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ-១៩ បានថ្លែងប្រាប់អ្នកកាសែតថា កម្ពុជាមិនមែនមិនចង់ប្រើប្រាស់វ៉ាក់សាំងនៃប្រទេសផ្សេងៗទៀតខុសពីចិននោះទេ គឺដោយសារតែទិញមិនបាន។ លោកស្រី ឱ វណ្ណឌីន បញ្ជាក់ថាការដែលទិញវ៉ាក់សាំងការពារកូវីដ-១៩ ពីចិន គឺដោយសារវ៉ាក់សាំងចិន និងវ៉ាក់សាំងឯទៀតមានប្រសិទ្ធភាពដូចគ្នា ហើយកម្ពុជា និងចិន ជាមិត្តជិតស្និទ្ធនឹងគ្នាស្រាប់ផង នោះគឺជាហេតុផលមួយដ៏ត្រឹមត្រូវ ខណៈប្រទេសដែលមានលទ្ធភាពផលិតវ៉ាក់សាំងផ្សេងទៀត មានភាពអាត្មានិយម។
ចុះផ្សាយនៅថ្ងៃ៖
សូមស្តាប់ប្រសាសន៍លោកស្រី ឱ វណ្ណឌីន រៀបចំដោយ ញឹម សុផល៖
សូមបញ្ជាក់ថា ប្រទេសកម្ពុជាបានចាក់វ៉ាក់សាំងការពារកូវីដ-១៩ ដល់ប្រជាពលរដ្ឋបានចំនួន ៦លាននាក់ស្មើនឹង៦០% នៃប្រជាជន១០លាននាក់ដែលត្រូវចាក់។ ដោយឡែក ថ្នាំវ៉ាក់សាំង ដែលកម្ពុជាប្រើប្រាស់ គឺជាប្រភេទវ៉ាក់សាំងចិន Sinovac Sinopharm និងវ៉ាក់សាំងផលិតនៅប្រទេសឥណ្ឌា Astra Zenica ជាជំនួយតាមយន្តការកូវ៉ាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ