លោក ឌិន ពុទ្ធី៖ កម្មករសេដ្ឋកិច្ចក្រៅប្រព័ន្ធនៅប៉ោយប៉ែត បន្តជួបប្រទះបញ្ហាជីវភាពខ្លាំងជាងមុន
កម្មករសេដ្ឋកិច្ចក្រៅប្រព័ន្ធ ក្នុងនោះមានអ្នកលក់ដូរ អ្នករត់ម៉ូតូឌុប កម្មករអូសរទេះ ពលរដ្ឋចេញ-ចូល ទៅថៃប្រចាំថ្ងៃ កំពុងជួបប្រទះបញ្ហាជីវភាពកាន់តែខ្លាំងឡើង ដោយសារការឆ្លងរាលដាលនៃជំងឺកូវីដ-១៩ ដែលបញ្ហានេះតម្រូវឲ្យព្រំដែនកម្ពុជា-ថៃ បន្តបិទជាង១ឆ្នាំទៅហើយ។ វត្តមានកូវីដ-១៩ បំប្លែងថ្មី ធ្វើឲ្យមានការបិទខ្ទប់នៅតំបន់ប៉ោយប៉ែត ជាពិសេសការព្យួរការងារតំបន់ទីប្រជុំជន កាស៊ីណូ ជាហេតុធ្វើឲ្យកម្មករនៃសេដ្ឋកិច្ចក្រៅប្រព័ន្ធ ដែលជាអ្នកទទួលផលតៗគ្នា ពិបាករកចំណូលសម្រាប់ចិញ្ចឹមជីវិតប្រចាំថ្ងៃ។ នេះបើតាមលោក ឌិន ពុទ្ធី ប្រធានសមាគមពង្រឹងសេដ្ឋកិច្ចក្រៅប្រព័ន្ធកម្ពុជា។ លោក ឌិន ពុទ្ធី ទទួលស្គាល់ថារដ្ឋាភិបាលបានយកចិត្តទុកដាក់ ផ្តល់ជំនួយសង្គ្រោះដល់ប្រជាពលរដ្ឋ ដែលជួបប្រទះការលំបាកដែរ ក៏ប៉ុន្តែមិនអាចឆ្លើយតបទៅនឹងតម្រូវការរបស់ពួកគាត់បានទេ ខណៈដែលប្រទេសគេផ្សេង ប្រជាជនគេទទួលបានការគាំពារគ្រប់គ្រាន់ពីរដ្ឋ អំឡុងពេលនៃវិបត្តិកូវីដ-១៩នេះ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក ឌិន ពុទ្ធី៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ