ប្រមុខរដ្ឋាភិបាលអនុញ្ញាតឲ្យវិស័យឯកជនធ្វើតេស្តរហ័សរកកូវីដ-១៩ លើបុគ្គលិករបស់ខ្លួន ដើម្បីគ្រប់គ្រងអ្នកឆ្លងឲ្យបានលឿន
លោកនាយករដ្ឋមន្ត្រី ហ៊ុន សែន ក្នុងនាមជាប្រធានគណៈកម្មការជាតិប្រយុទ្ធប្រឆាំងនឹងជំងឺកូវីដ-១៩ បានសម្រេចអនុញ្ញាតឲ្យក្រុមហ៊ុន សហគ្រាសឯកជនធ្វើតេស្តបុគ្គលិក កម្មករ របស់ខ្លួនដោយផ្ទាល់ ដោយមិនចាំបាច់ពឹងផ្អែកតែគ្រូពេទ្យនោះទេ។ ការសម្រេចរបស់លោក ហ៊ុន សែន ដូច្នេះធ្វើឡើង តាមរយៈ កិច្ចប្រជុំពិសេសមួយតាមអនឡាញ ដើម្បីពិភាក្សា និងដោះស្រាយទៅលើបញ្ហាជំងឺកូវីដ-១៩ ដែលកំពុងរីករាលដាលនៅក្នុងប្រទេសកម្ពុជា នាព្រឹកថ្ងៃទី០១ ខែកក្កដា ឆ្នាំ២០២១នេះ។ តាមលោក ហ៊ុន សែន ការអនុញ្ញាតឲ្យវិស័យឯកជនធ្វើតេស្តដល់កម្មករ និយោជិតរបស់ខ្លួន គឺដើម្បីងាយស្រួលក្នុងការគ្រប់គ្រងបានឆាប់រហ័សអ្នកឆ្លងជំងឺកូវីដ-១៩ និងជួយកាត់បន្ថយចំណាយរបស់រដ្ឋ។ ជាមួយគ្នានេះ លោកក៏បានបញ្ជាឲ្យគ្រូពេទ្យចាប់ផ្តើមបង្រៀនវិធីធ្វើតេស្តរហ័សដល់សហគ្រាស ក្រុមហ៊ុនឯកជនចាប់ពីពេលនេះទៅ។
ចុះផ្សាយនៅថ្ងៃ៖
សូមស្តាប់ប្រសាសន៍ លោកនាយករដ្ឋមន្ត្រី ហ៊ុន សែន រៀបចំជូនដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ