សុនខ១០ក្បាលកំពុងត្រៀមចេញប្រតិបត្តិការជួយហិតរកអ្នកផ្ទុកកូវីដ១៩នៅខែក្រោយ
កម្ពុជាគ្រោងនឹងប្រើប្រាស់សត្វសុនខ ឬ សត្វឆ្កែ ឱ្យជួយក្នុងប្រតិបត្តិការស្វែងរកអ្នកផ្ទុកជំងឺកូវីដ១៩! លោកហេង រតនា ប្រតិភូរដ្ឋាភិបាលទទួលបន្ទុកអគ្គនាយកមជ្ឈមណ្ឌលសកម្មភាពកំចាត់មីនកម្ពុជា បានប្រាប់វិទ្យុបារាំង នៅថ្ងៃទី២៤ មិថុនានេះថា សុនខចំនួន ១០ក្បាល កំពុងត្រៀមចេញប្រតិបត្តិការហិតរកអ្នកផ្ទុកជំងឺកូវីដ១៩ នៅក្នុងខែកក្កដាខាងមុខនេះ ។ តាមលោកហេង រតនា លក្ខណៈពិសេសរបស់សត្វសុនក គឺមានសមត្ថភាពហិតរកក្លិនអ្នកផ្ទុកកូវីដ១៩ បានលឿនរហ័សក្នុងចំណោមមនុស្សប្រមូលផ្តុំគ្នាច្រើន។
ចុះផ្សាយនៅថ្ងៃ៖
សូមស្តាប់ការលើកឡើងរបស់ លោក ហេង រតនា រៀបចំជូន ដោយ ហេង សុខនី ដូតទៅ៖
គួរជម្រាបជូនថា មានប្រទេសជាច្រើន បានទទួលជោគជ័យក្នុងការបង្ហាត់សត្វសុនរក ឲ្យហិតស្វែងរកអ្នកផ្ទុកជំងឺកូវីដ១៩។ សូម្បីប្រទេសថៃក្បែរខាងកម្ពុជា ក៏បានប្រើប្រាស់សត្វសុនកហិតរកអ្នកផ្ទុកកូវីដ១៩ តាំងពីដើមខែមីនាមក។ ចំណែកប្រទេសផ្សេងទៀត ដែលបានប្រើប្រាស់សត្វសុនកជាជំនួយក្នុងការប្រយុទ្ធប្រឆាំងកូវីដ ១៩ រួមមាន អាល្លឺម៉ង់ ហ្វាឡង់ អូស្ត្រាលី និងរុស្សី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ