លោក ទៀ បាញ់ ស្នើឲ្យតំណាងយោធាអាមេរិកបន្តកិច្ចសហប្រតិបត្តិការ ដែលនៅសល់ ខកខានដោយសារកូវីដ-១៩
នៅក្នុងជំនួបជាមួយអនុព័ន្ធយោធាអាមេរិក ដែលបានផុតអាណត្តិ និងអនុព័ន្ធយោធាអាមេរិកថ្មី នារសៀលថ្ងៃចន្ទនេះ នៅទីស្តីការគណៈរដ្ឋមន្ត្រី លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិកម្ពុជា បានលើកឡើងពីលទ្ធផលល្អប្រសើរ នៃបេសកកម្មរបស់អនុព័ន្ធយោធាអាមេរិកចាស់នៅលើទឹកដីកម្ពុជា។ លោក ទៀ បាញ់ សរសើរអាមេរិកក្នុងការជួយបណ្តុះបណ្តាលធនធានមនុស្សនៃកងទ័ពកម្ពុជា និងជំនួយសហប្រតិបត្តិការពីយោធាអាមេរិកមួយចំនួនទៀត។ នេះបើតាមលោកឧត្តមសេនីយ៍ឯក ខៀវ ឆេន នាយកខុទ្ទកាល័យលោក ទៀ បាញ់។ លោកបន្តថា រដ្ឋមន្ត្រីការពារជាតិកម្ពុជា ក៏បានស្នើសុំឲ្យអនុព័ន្ធយោធាអាមេរិកបន្តកិច្ចសហប្រតិបត្តិការ រវាងកងទ័ពកម្ពុជា និងអាមេរិក ដែលបានខកខានកន្លងមក ដោយសារវិបត្តិជំងឺកូវីដ-១៩។ ទោះយ៉ាងណាជំនួបនេះ មិនបានលើកឡើងពីការកំណត់កាលបរិច្ឆេទជាក់លាក់ណាមួយនៃដំណើរទស្សនកិច្ចរបស់អនុព័ន្ធយោធាអាមេរិកនៅកំពង់ផែរាមទេ។
ចុះផ្សាយនៅថ្ងៃ៖
សូមស្ដាប់ប្រសាសន៍លោកឧត្តមសេនីយ៍ឯក ខៀវ ឆេន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ