លោកនាយករដ្ឋមន្រ្តីស្នើឲ្យចៅហ្វាយខេត្តទូទាំងប្រទេសយកសំណាកនិងធ្វើចត្តាឡីស័កលើជនណាសង្ស័យមានកូវីដ១៩
លោកនាយករដ្ឋមន្រ្តី ហ៊ុន សែន តាមរយៈសារសម្លេងលើបណ្តាញសង្គមតេឡេក្រាមនៅថ្ងៃព្រហស្បតិ៍នេះ បានបញ្ជាឲ្យចៅហ្វាយខេត្តទូទាំងប្រទេសធ្វើការប្រែសម្រួលសារាចរណែនាំពីវិធានការរដ្ឋបាលរឹតបន្តឹងការធ្វើដំណើរឆ្លងកាត់ភូមិសាស្រ្តខេត្តរបស់ប្រជាពលរដ្ឋនៅក្នុងខេត្តរបស់ខ្លួន ដោយកំណត់មិនឲ្យមានការធ្វើចត្តាឡីស័កចំនួន១៤ថ្ងៃ លើប្រជាពលរដ្ឋគ្រប់រូបនោះទេ។ លោកនាយករដ្ឋមន្រ្តី បានគូសបញ្ជាក់ថា ការកំណត់ឲ្យធ្វើចត្តាឡីស័កចំពោះប្រជាពលរដ្ឋទាំងអស់ដែលឆ្លងកាត់ខេត្តមួយទៅខេត្តមួយទៀត គឺមិនខុសអ្វីពីការបិទខ្ទប់ដែលរដ្ឋាភិបាលធ្លាប់ធ្វើនាពេលកន្លងមកនោះទេ។ បើតាមលោកប្រមុខរដ្ឋាភិបាល ចៅហ្វាយខេត្តទាំងអស់ត្រូវកែប្រែសារាចរដែលដាក់ចេញរួចជាបន្ទាន់ និងដាក់វិធានការយកសំណាក និងធ្វើចត្តាឡីស័កលើជនណាដែលសង្ស័យថាមានជំងឺកូវីដ១៩ប៉ុណ្ណោះ។
ចុះផ្សាយនៅថ្ងៃ៖
ស្តាប់ - ០១:៤៣
