លោកស្រី ឱ វណ្ណឌីន៖ បញ្ឈប់ផ្តល់វ៉ាកសាំងជូនអ្នកខាងក្រៅបញ្ជីអទិភាពនៅក្នុងក្របខណ្ឌរដ្ឋ
លោកស្រីវេជ្ជបណ្ឌិត ឱ វណ្ណឌីន អ្នកនាំពាក្យក្រសួងសុខាភិបាលកម្ពុជា តាមរយៈប្រព័ន្ធទំនាក់ទំនងសង្គម Telegram នៅរសៀលនេះ បានដាស់តឿនប្រធានអនុគណៈកម្មាការចំពោះកិច្ចចាក់វ៉ាក់សាំងកូវីដ១៩នៅតាមក្រសួងស្ថាប័នមួយចំនួន ឲ្យបញ្ឈប់ការផ្តល់វ៉ាកសាំងជូនអ្នកខាងក្រៅដែលគ្មានឈ្មោះក្នុងបញ្ជីអាទិភាព។ សេចក្តីក្រើនរំព្ញកនេះ ធ្វើឡើងបន្ទាប់ពីលោកស្រីសង្កេតឃើញថា មានការចាក់វ៉ាក់សាំងខុសគោលការណ៍របស់រដ្ឋាភិបាល។ លោកស្រី ឱ វណ្ណឌីន បានដាក់បញ្ជាយ៉ាងដាច់ខាត់ ទៅកាន់ប្រធានអនុគណៈកម្មាការចំពោះកិច្ចចាក់វ៉ាក់សាំងកូវីដ១៩នៅតាមក្រសួងស្ថាប័នទាំងអស់ ចាប់ពីថ្ងៃទី៥មេសាស្អែកនេះតទៅ មិនត្រូវអនុញ្ញាតឲ្យចាក់វ៉ាក់សាំងដល់បុគ្គលណាផ្សេងក្រៅពីមន្ត្រីរាជការស៊ីវិលដែលស្ថិតនៅក្នុងក្របខណ្ឌក្រសួងសម៉ីនោះទេ។ លើសពីនេះ ប្រធានអនុគណៈកម្មាការចំពោះកិច្ចចាក់វ៉ាក់សាំងកូវីដ១៩នៅតាមក្រសួងស្ថាប័ននោះ គឺជាអ្នកទទួលខុសត្រូវនៅចំពោះមុខនៃការខ្វះខាតវ៉ាក់សាំងសម្រាប់បុគ្គលិកមន្ត្រីរាជការរបស់ខ្លួន ក្នុងករណីពិនិត្យ ឃើញថាចំនួនអ្នកចាក់វ៉ាក់សាំងនៅតាមក្រសួងគ្រប់ទៅតាមរបាយការណ៍។
ចុះផ្សាយនៅថ្ងៃ៖
សូមស្តាប់ប្រសាសន៍លោកស្រី ឱ វណ្ណឌីន
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ