របាយការណ៍៖ កម្ពុជានឹងបាត់បង់តុល្យភាពពាណិជ្ជកម្មទំនិញប្រមាណ២ពាន់លាន ក្រោយមានRCEP
តុល្យភាពពាណិជ្ជកម្មកម្ពុជានឹងបាត់បង់ចំណូលក្នុងរង្វង់ទឹកប្រាក់ប្រមាណ២.៣ពាន់លានដុល្លារ ដោយសារតែកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់។ នេះបើតាមរបាយការណ៍ស្រាវជ្រាវរបស់លោកស្រី Rashmi Banga មន្រ្តីជាន់ខ្ពស់ផ្នែកសេដ្ឋកិច្ចនៃអង្គការសហប្រជាជាតិស្តីពីពាណិជ្ជកម្ម និងការអភិវឌ្ឍ ចេញផ្សាយនៅខែមីនានេះ។ បើតាមរបាយការណ៍ការបាត់បង់តុល្យភាពពាណិជ្ជកម្ម បណ្តាលមកពីការនាំចូលទំនិញមានការកើនឡើងហួសពីការនាំចេញទំនិញ។
ចុះផ្សាយនៅថ្ងៃ៖
ស្តាប់ - ០១:៤៥
មិនត្រឹមតែកម្ពុជាដែលនឹងអាចបាត់បង់តុល្យភាពពាណិជ្ជកម្មទេ ក៏ប៉ុន្តែប្រទេសក្នុងតំបន់អាស៊ានទាំងមូលក៏នឹងបាត់បង់តុល្យភាពពាណិជ្ជកម្មក្នុងរង្វង់ទឹកប្រាក់ពាណិជ្ជកម្ម ៨.៥ពាន់លានដុល្លារក្នុងមួយឆ្នាំ។ ក្នុងនោះកម្ពុជាឈរនៅលំដាប់ទី២ បន្ទាប់ពីម៉ាឡេស៊ី ដែលនឹងបាត់បង់តុល្យភាពពាណិជ្ជកម្ម ប្រមាណ៤ពាន់លានដុល្លារក្នុងមួយឆ្នាំ។ ចំណែកឯតុល្យភាពទំនិញនៅប្រទេសថៃ វៀតណាម ភូមា នឹងរងផលប៉ះពាល់ត្រឹមកន្លះលានដុល្លារក្នុងមួយឆ្នាំ។ នេះបើតាមរបាយការណ៍ស្រាវជ្រាវ។
បើតាមរបាយការណ៍ ការបាត់បង់តុល្យភាពពាណិជ្ជកម្មក្នុងតំបន់អាស៊ាន កើតឡើងដោយសារការកើនឡើងនៃការនាំចូលទំនិញតាមប្រទេសនីមួយៗ និងការធ្វើពិពធកម្មពាណិជ្ជកម្មនៅក្នុងក្របខណ្ឌនៃការនាំចេញចូលទំនិញតាមបណ្តាប្រទេសជាដៃគូសេដ្ឋកិច្ចទូលំទូលាយក្នុងតំបន់ RCEP។ បើតាមរបាយការណ៍បានបង្ហាញទៀតថា ការកើនឡើងនៅការនាំចូលទំនិញចូលមកកម្ពុជាតាមរយៈកិច្ចព្រមព្រៀងRCEP មានដូចជា សំលៀកបំពាក់ គ្រឿងចក្រ គ្រឿងម៉ាស៊ីនអគ្គិសនី និងឧបករណ៍មេកានិចមួយចំនួនធំ។
តាមរយៈកិច្ចព្រមព្រៀងRCEP នេះដែរ របាយការណ៍បានបញ្ជាក់ថា ការនាំចេញទំនិញពីប្រទេសក្នុងតំបន់អាស៊ាននឹងមានធា្លក់ចុះជាបន្តបន្ទាប់ទៀត ហើយប្រទេសមិនស្ថិតក្នុងតំបន់អាស៊ាន ដូចជាជប៉ុននឹងមានការកើនឡើងការនាំចេញបន្តទៀត ក្នុងរង្វង់ទឹកប្រាក់១៤ពាន់លានដុល្លារ ចិន ៦.៥ពាន់លានដុល្លារ និងកូរ៉េខាងត្បូង ៣.៤ពាន់លានដុល្លារក្នុងមួយឆ្នាំ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ