កូវីដ-១៩៖ មេដឹកនាំសហជីពស្នើសុំរដ្ឋាភិបាលផ្អាកការប្រារព្ធធ្វើបុណ្យចូលឆ្នាំខ្មែរនៅខែមេសា
នៅសល់មិនដល់១ខែទៀតទេ ពិធីបុណ្យចូលឆ្នាំប្រពៃណីជាតិខ្មែរនឹងឈានចូលមកដល់។ ឆ្លៀតក្នុងឱកាសនេះ សម្ព័ន្ធសហជីពជាតិ កាលពីថ្ងៃទី១៧ខែមីនា បានដាក់លិខិតមួយច្បាប់ទៅកាន់ក្រសួងការងារ ដើម្បីសុំអន្តរាគមន៍ពីរដ្ឋមន្ត្រីក្រសួងការងារស្នើសុំគោលការណ៍ពិសេស ពីប្រមុខរដ្ឋាភិបាល ផ្អាកការប្រារព្ធពិធីបុណ្យចូលឆ្នាំខ្មែរ។ លោក ហ្វា សាលី ប្រធានសម្ព័ន្ធសហជីពជាតិ បានថ្លែងប្រាប់វិទ្យុបារាំងអន្តរជាតិ RFI នៅថ្ងៃសុក្រនេះថា ការស្នើសុំរបស់សហជីពលោកទៅក្រសួងដូច្នេះ ក៏ព្រោះតែលោកយល់ថា ស្ថានភាពនៃការឆ្លងរាលដាលជំងឺកូវីដ-១៩ នៅមិនទាន់ថមថយនៅឡើយ។ តាមលោក ហ្វា សាលី ការអនុញ្ញាតឲ្យមានបុណ្យចូលឆ្នាំ ហើយកម្មករបានឈប់សម្រាកទៅជួបជុំគ្នា នៅឯស្រុកកំណើត គឺមានហានិភ័យខ្ពស់ក្នុងការឆ្លងជំងឺកូវីដ-១៩ ជាងការផ្តល់ឲ្យពួកគេបន្តធ្វើការនៅក្នុងរោងចក្រ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក ហ្វា សាលី៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ