បក្សថ្មីរបស់លោកអ៊ូ ច័ន្ទរ័ត្ន មិនអាចលេចចេញនៅចុងខែមករានេះបានតាមការគ្រោងទុក
គណបក្សថ្មីរបស់អតីតអ្នកតំណាងរាស្ត្របក្សសង្គ្រោះជាតិ លោកអ៊ូ ច័ន្ទរ័ត្ន ឈ្មោះគណបក្ស «កែទម្រង់កម្ពុជា» មិនអាចលេចចេញជារូបរាងផ្លូវការតាមការគ្រោងទុកនៅចុងខែមករានេះនោះទេ។ នេះបើតាមអ្វីដែលលោកអ៊ូ ច័ន្ទរ័ត្ន បានប្រាប់វិទ្យុបារាំងអន្តរជាតិ RFI នៅរាត្រីថ្ងៃអាទិត្យនេះ ដោយលោកបញ្ជាក់ថា ភាពយឺតយ៉ាវនេះ ដោយសារបញ្ហាការសម្រេចជ្រើសរើសរូបតំណាង (ឡូហ្គោ) និងឯកសារនានា។ ប៉ុន្តែលោកអ៊ូ ច័ន្ទរ័ត្ន ប្តេជ្ញាបង្ហាញរូបរាងគណបក្សនេះឲ្យបាននៅដើមខែកុម្ភៈ ខណៈពីខាងលោកកឹម សុខា និងសកម្មជនមួយចំនួនធំ បានបង្ហាញការគាំទ្រចំពោះការបង្កើតគណបក្សថ្មីនេះ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក អ៊ូ ច័ន្ទរ័ត្ន៖ (សម្លេង)
Sound-Ou-Chanrath-31-01-2021
ខ្ញុំសូមបញ្ជាក់ថា ការបង្កើតរៀបចំបង្កើតគណបក្សនយោបាយថ្មី របស់លោក អ៊ូ ច័ន្ទរ័ត្ននេះ គឺដើម្បីចូលរួមការបោះឆ្នោតនៅក្នុងឆ្នាំ២០២២ និងឆ្នាំ២០២៣។ ប៉ុន្តែ លោកអ៊ូ ច័ន្ទរ័ត្ន បានអះអាងថា គណបក្សនេះ បង្កើតឡើង គឺមិនមានចេតនាប្រឆាំងនឹងក្រុមមន្រ្តីអតីតបក្សប្រឆាំងនោះឡើយ ពិសេស គឺលោក កឹម សុខា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ