មេធាវីការពារក្តីស្នើឲ្យតុលាការអន្តរាគមន៍លើសុពលភាពលិខិតឆ្លងដែនរបស់មន្រ្តីអតីតបក្សប្រឆាំង
គិតមកទល់ពេលនេះ សវនាការជំនុំជម្រះលើសំណុំរឿងរួមគំនិតក្បត់លើមន្ដ្រីអតីតបក្សសង្រ្គោះជាតិ បានប្រព្រឹត្តទៅចំនួន៣ដងរួចមកហើយ។ លោកសំ សុខគង់ មេធាវីការពារក្តីឲ្យមន្ដ្រីអតីតបក្សប្រឆាំង បានរំឭកពី សវនាការនៅថ្ងៃទី២៩ធ្នូម្សិលម្សិញ ថាប្រពឹត្តទៅដោយមិនទាន់ពេញលេញ ដោយពុំមានវត្តមានជនត្រូវចោទទាំងអស់ចូលរួម។ សម្រាប់លោក សំ សុខគង់ តុលាការគួរជួយអន្តរាគមន៍លើការផ្តល់សុពលភាពលើលិខិតឆ្លងដែនដល់ក្រុមមន្រ្តីអតីតបក្សប្រឆាំងនៅក្រៅប្រទេស ដើម្បីឲ្យពួកគេអាចចូលមកស្រាយបំភ្លឺ និងតតាំងដោយតម្លាភាពនៅក្នុងសវនាការ។
ចុះផ្សាយនៅថ្ងៃ៖
សូមស្តាប់លោកមេធាវី សំ សុខគង់៖
ចំពោះសំណុំរឿងនេះ លោក នី សុខា ប្រធានផ្នែកសិទ្ធិមនុស្សនៃសមាគមការពារសិទ្ធិមនុស្សអាដហុក បានថ្លែងប្រាប់អ្នកសារព័ត៌មានថា វាជារឿងនយោបាយ។ និងថា ដំណោះស្រាយរឿងនេះ គួរតែមានការហៅមេបក្សធំៗមកសួរដេញដោលទើបជាការល្អ ព្រោះថា សកម្មជនអតីតបក្សប្រឆាំងក្នុងសំណុំរឿងនេះ ណៅឆ្ងាយណាស់ ពីរចនាសម្ព័ន្ធដឹកនាំរបស់អតីតបក្សប្រឆាំង។ គួរបញ្ជាក់ដែរថា បន្ទាប់ពីបើកសវនាការពេញមួយព្រឹក ប្រធានក្រុមប្រឹក្សាជំនុំជម្រះ លោក រស់ ពិសិដ្ឋ បានប្រកាសលើកពេលសវនាការទៅថ្ងៃទី២២មករាឆ្នាំ២០២១៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ