លោក ហ៊ុន សែន ឯកភាពថាលោក អូនព័ន្ធ មុនីរ័ត្ន ជាបេក្ខភាពម្នាក់ក្នុងចំណោមបេក្ខភាពនាយករដ្ឋមន្ត្រីមួយចំនួន
នៅក្នុងការថ្លែងសារតាមកញ្ចក់ទូរទស្សន៍ជាតិ និងប្រព័ន្ធផ្សព្វផ្សាយនានាក្នុងប្រទេសកម្ពុជានាព្រឹកនេះដែរ ក្រៅពីប្រធានបទស្តីពីព្រឹត្តិការណ៍ឆ្លងសហគមន៍នៃជំងឺកូវីដ១៩ លោកនាយករដ្ឋមន្ត្រី ហ៊ុន សែន បានឆ្លៀតរំលេចនូវសារនយោបាយមួយចំនួនផងដែរ។ អ្វីដែលលោក ហ៊ុន សែន ចង់បញ្ជាក់នោះគឺ លោកទទួលស្គាល់ពីការលើកឡើងរបស់ប្រព័ន្ធផ្សព្វផ្សាយខ្លះដែលថា លោកឧបនាយករដ្ឋមន្ត្រី អូនព័ន្ធ មុនីរ័ត្ន រដ្ឋមន្ត្រីក្រសួងហិរញ្ញវត្ថុ ជាបេក្ខជននាយករដ្ឋមន្ត្រីដ៏មានសក្តានុពលថាជារឿងត្រឹមត្រូវ។ កាលពីខែវិច្ឆិកាកន្លងទៅនេះ លោក អូនព័ន្ធ មុនីរ័ត្ន ត្រូវបានចាត់ឲ្យធ្វើជាតំណាងរបស់នាយករដ្ឋមន្ត្រី ក្នុងការចូលរួមនៅក្នុងកិច្ចប្រជុំកំពូលអាស៊ានតាមប្រព័ន្ធអនឡាញ។ លោកនាយករដ្ឋមន្ត្រី ក៏បានរំលឹកជាថ្មីថា លោកសូមស្បថកាត់កន្ទុយមិននិយាយឈ្មោះមនុស្សម្នាក់ ដែលគេគិតថាជាលោក សម រង្ស៊ី ព្រមទាំងមិនចរចាជាមួយផងដែរ។ ក្រៅពីនេះ លោក ហ៊ុន សែន ក៏បានបង្ហាញផងដែរនូវពង្រាងអនុក្រិត្យស្តីពីការដាក់ប្រទេសក្នុងភាពអាសន្ន ដើម្បីថ្វាយព្រះមហាក្សត្រ ផ្ញើទៅប្រធានសភាទាំងពីរថ្នាក់។ ក៏ប៉ុន្តែ លោកបញ្ជាក់ថាលោកមិនប្រើប្រាស់ការស្នើទាំងអស់នេះទេ ដោយហេតុថាវានឹងប៉ះពាល់ដល់ប្រជាពលរដ្ឋយ៉ាងធំធេង។
ចុះផ្សាយនៅថ្ងៃ៖
សូមស្តាប់ប្រសាសន៍លោក ហ៊ុន សែន រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ