ការពារកូវីដ១៩៖ ស្ថាប័នផ្តល់ប្រាក់កម្ចីស្នើឲ្យអតិថិជនទូទាត់ប្រាក់តាមប្រព័ន្ធអេឡិចត្រូនិក
ជុំវិញសំណុំរឿងកូវីដ១៩ សមាគមធនាគារ សមាគមមីក្រូហិរញ្ញវត្ថុកម្ពុជា និងសមាគមសហព័ន្ធហិរញ្ញវត្ថុនិងបច្ចេកវិទ្យាកម្ពុជា បានចេញសេចក្តីថ្លែងការរួមគ្នាមួយ នៅថ្ងៃទី០៨ ធ្នូនេះ ដោយស្នើឱ្យសាធារណជន អតិថិជន និងអាជីវករទាំងអស់ ទូទាត់ប្រាក់តាមប្រព័ន្ធអេឡិចត្រូនិក ដែលផ្តល់ដោយគ្រឹះស្ថានធនាគារ និងហិរញ្ញវត្ថុ។ សូមបញ្ជាក់ថា ស្ថិតក្នុងស្ថានភាពនៃការរីករាលដាលវីរុសកូវីដ១៩នាពេលបច្ចុប្បន្ននេះ ការដែលធនាគារ មីក្រូហិរញ្ញវត្ថុជួយសម្រួលឱ្យមានការទូទាត់ប្រាក់តាមប្រព័ន្ធអេឡិចត្រូនិកដូចនេះ គឺកាន់តែមានភាពងាយស្រួលដល់សាធារណជន អតិថិជន និងអាជីវករទាំងអស់ ដើម្បីកាត់បន្ថយការចម្លងវីរុសកូវីដ១៩តាមក្រដាសប្រាក់។ គួររម្លឹកជូនដែរថា នៅរសៀលថ្ងៃទី០៦ ខែធ្នូ អ្នកនាំពាក្យក្រសួងសុខាភិបាល លោកស្រីឱ វណ្ឌឌីន ធ្លាប់បានពន្យល់ និងបញ្ជាក់ហើយថា វីរុសកូវីដ១៩ គឺឆ្លងតាមក្រដាសប្រាក់ ហើយការឆ្លងនេះគឺលឿនបំផុត ប្រសិនជាអ្នកជំងឺកូវីដ-១៩ បានកាន់ក្រដាសប្រាក់នោះ រួចហុចបន្ដទៅអ្នកដ៏ទៃទៀត ដោយមិនបានលាងសម្អាតដៃ។
ចុះផ្សាយនៅថ្ងៃ៖
