អ្នកនាំពាក្យក្រសួងការងារ៖ ឥទ្ធិពលកូវីដ-១៩ចូលសហគមន៍មិនទាន់ជះផលអាក្រក់លើវិស័យកាត់ដេរនៅឡើយ
ក្រសួងការងារបានឲ្យដឹងនៅថ្ងៃទី៧ធ្នូនេះថា ឥទ្ធិលពលនៃការចម្លងវីរុសកូវីដ១៩ចូលសហគមន៍ មិនទាន់ជះផលអាក្រក់លើវិស័យកាត់ដេរសម្លៀកបំពាក់និងផលិតស្បែកជើងនៅកម្ពុជា នៅឡើយទេគិត មកដល់ពេលនេះ។ នេះក៏ដោយសារតែរដ្ឋាភិបាលបានបង្ហាញការយកចិត្តទុកដាក់លើវិស័យកាត់ដេរសម្លៀកបំពាក់និងផលិតស្បែកជើងតាំងតែពីដើមទីមក។ នេះបើតាមក្រសួងការងារ។
ចុះផ្សាយនៅថ្ងៃ៖ កែប្រែថ្ងៃទី៖
លោក ហេង សួរ អ្នកនាំពាក្យក្រសួងការងារ ថ្លែងប្រាប់វិទ្យុបារាំងអន្តរជាតិRFI ការណ៍ដែលវិស័យកាត់ដេរសម្លៀកបំពាក់ និងផលិតស្បែកជើងកម្ពុជាមិនទាន់រងផលប៉ះពាល់ពីការចម្លងវីរុសកូវីដ១៩ ចូលសហគមន៍ ដោយសារតែផលប៉ះពាល់ណ្ដាលមកពីកូវីដ១៩ជាទូទៅមកលើវិស័យនេះ គឺរដ្ឋាភិបាលគ្រប់គ្រងសភាពការណ៍បាន។ ម្យ៉ាងទៀតការចម្លងវីរុសកូវីដ-១៩នៅពេលនេះ មិនទាន់ឆ្លងដល់សហគមន៍អ្នកធ្វើការនិងជាពិសេសមិនទាន់ប៉ះពាល់ដល់កម្មករកម្មការិនីណាម្នាក់នៅឡើយទេ។
បើទោះជាការចម្លងវីរុសកូវីដ-១៩ចូលសហគមន៍មិនទាន់ជះឥទ្ធិពលលើវិស័យកាត់ដេរសម្លៀកបំពាក់ និងផលិតស្បែកជើង និងកម្មករនិយោជិតយ៉ាងណាក៏ដោយ តែអ្នកសហជីពស្នើឲ្យក្រសួងការងារក៏ដូចជារដ្ឋាភិបាល ត្រូវយកចិត្តទុកដាក់ និងបង្ការបញ្ហានេះជាមុន។
សូមជម្រាបជូនថា ផលប៉ះពាល់ដែលបណ្ដាលមកពីឥទ្ធិពលកូវីដ-១៩ គិតត្រឹមដើមខែវិច្ឆិកានេះ គឺបានធ្វើឲ្យរោងចក្រចំនួន១១៦ ត្រូវបិទទ្វារ ដែលក្នុងនោះមានកម្មករនិយោជិតចំនួនជាង៦ម៉ឺននាក់ (៦០ ៩៩១នាក់)។ ចំនួននេះមានការកើនឡើងបន្តិចបើធៀបទៅនឹងរយៈកាលដូចគ្នាក្នុងឆ្នាំ២០១៩ ដែលមានរោងចក្រចំនួន១១២បានបិទ និងប៉ះពាល់ដល់កម្មករនិយោជិតចំនួនជាង៥ម៉ឺននាក់ (៥៥ ៥៤៦២នាក់)៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ