ព្រឹត្តិការណ៍សហគមន៍ធ្វើឲ្យក្រសួងអប់រំលើកពេលប្រឡងបាក់ឌុបទៅពាក់កណ្ដាលខែមករាឆ្នាំ២០២១វិញ
ក្រសួងអប់រំយុវជននិងកីឡាបានសម្រេចលើកពេលប្រឡងសញ្ញាបត្រមធ្យមសិក្សាទុតិយភូមិឬបាក់ឌុបដែលគ្រោងរៀបចំនៅថ្ងៃទី២១ធ្នូទៅកណ្ដាលខែមករាឆ្នាំ២០២១វិញ។
ចុះផ្សាយនៅថ្ងៃ៖
បើតាមសេចក្ដីជូនដំណឹងរបស់ក្រសួងអប់រំនៅល្ងាចថ្ងៃទី៧មករានេះ ការពន្យាពេលប្រឡងសញ្ញាមធ្យមសិក្សាទុតិយភូមិឬបាក់ឌុបនៅពេលនេះដោយសារស្ថានភាពមិនច្បាស់លាស់លើផលប៉ះពាល់ជាទូទៅដែល បណ្ដាលមកពីព្រឹត្តការណ៍សហគមន៍២៨វិច្ឆិកា។
តែយ៉ាងណាក៏ដោយក្រសួងអប់រំនឹងជូនដំណឹងអំពីកាលបរិច្ឆេទច្បាស់លាស់នៃដំណើរប្រឡងនៅពេលក្រោយជាបន្តទៀត។ ចំពោះដំណើរការត្រៀមប្រឡងនៅឆ្នាំនេះទៀតសោត គឺមានបេក្ខជនសរុបចំនួន១២១ ១០៨ នាក់ កើនឡើងជាងឆ្នាំ២០១៩ ចំនួន ៤ ០៦៥នាក់។
សូមជម្រាបជូនថា នេះជាលើកទី២ហើយ ដែលក្រសួងអប់រំសម្រេចលើកពេលប្រឡងសញ្ញាបត្រមធ្យមសិក្សា ទុតិយភូមិឬបាក់ឌុប ដែលរៀងរាល់ឆ្នាំដំណើរការប្រឡងតែងតែរៀបចំឡើងនៅពាក់កណ្ដាលខែសីហា ក៏ប៉ុន្តែដោយសារការសិក្សា មានភាពរអាក់រអួល ក្រសួងក៏ត្រូវលើកពេលប្រលងទៅចុងខែធ្នូឆ្នាំ២០២០វិញ តែពេលនេះ ត្រូវលើកម្តងទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ