បណ្ឌិត ប៉ា ច័ន្ទរឿន៖ យើងគួរចាត់ទុកអ្នកជំងឺកូវីដ១៩ គឺជាជនរងគ្រោះ ដែលមិនត្រូវរើសអើង
នៅចំពោះមុខការរីករាលដាលវីរុសកូវីដ១៩ នៅក្នុងព្រឹត្តការណ៍សហគមន៍ ២៨វិច្ឆិកា។ អ្នកវិភាគបញ្ហាសង្គម និងជាប្រធានវិទ្យាស្ថានប្រជាធិបតេយ្យកម្ពុជា លោកបណ្ឌិត ប៉ា ច័ន្ទរឿនមើលឃើញថា មានការរើសអើងអ្នកជំងឺកូវីដ១៩។ តាមរយៈសារជាសំឡេងអ្នកវិភាគបញ្ហាសង្គមរូបនេះ បានចាត់ទុកអ្នកឆ្លងជំងឺកូវីដ១៩ ថាជាអ្នករងគ្រោះ ដែលមហាជនទូទៅពុំគួរមានការរើសអើងនោះទេ។ ទន្ទឹមនឹងនេះ ប្រជាពលរដ្ឋគួរតែយកចិត្តទុកដាក់ចំពោះបញ្ហាសុខភាព ជាជាងបន្ទោសគ្នាទៅវិញទៅមក ព្រោះគ្មានអ្នកណាម្នាក់ចង់ឆ្លងជំងឺកូវីដ១៩នេះឡើយ។ លោកបណ្ឌិត ប៉ា ច័ន្ទរឿន បញ្ជាក់ថា ការរើសអើងមិនមែនជាដំណោះស្រាយ ដែលអាចជួយកាត់បន្ថយការរីករាលដាលវីរុសកូវីដ១៩ ឬកាត់ផ្តាច់ខ្សែចម្លងវីរុសកូវីដ១៩ ទៅក្រុមគ្រួសារ និងសហគមន៍ទេ គឺមានតែការគោរពតាមវិធានការក្រសួងសុខាភិបាលប៉ុណ្ណោះ។
ចុះផ្សាយនៅថ្ងៃ៖ កែប្រែថ្ងៃទី៖
សូមស្តាប់ប្រសាសន៍លោក ប៉ា ច័ន្ទរឿន៖
គួររម្លឹកដែរថា កាលពីថ្ងៃទី០៥ធ្នូ ប្រមុខរដ្ឋាភិបាលកម្ពុជា តាមរយៈសារលើបណ្តាញសង្គមហ្វេសបុក បានស្នើឱ្យក្រសួងសុខាភិបាល ដាក់បង្ហាញអត្តសញ្ញាណអ្នកជំងឺកូវីដ១៩ ដើម្បីឱ្យប្រជាពលរដ្ឋបានដឹង ហើយប្រសិនជាមានការពាក់ព័ន្ធផ្ទាល់ ឬប្រយោលត្រូវទៅធ្វើតេស្តរកវីរុសកូវីដ១៩ និងអនុវត្តវិធានការចត្តាឡីស័កឱ្យបានត្រឹមត្រូវ ចៀសវាងក្លាយជាអ្នកបន្តចម្លងទៅក្រុមគ្រួសារ ឬសហគមន៍៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ