រដ្ឋសភាប្រាប់អ្នកពាក់ព័ន្ធព្រឹត្តិការណ៍សហគមន៍ទៅធ្វើតេស្តជាលើកទី២នៅថ្ងៃស្អែក
សមាជិករដ្ឋសភា និងមន្ត្រីអគ្គលេខាធិការដ្ឋានទាំងអស់ដែលពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា គឺត្រូវទៅធ្វើតេស្តជាលើកទី២នៅថ្ងៃអង្គារស្អែក នៅម៉ោង៩ព្រឹក នៅសាលសន្និសិទបាយ័ន វិមានរដ្ឋសភា។ នេះបើតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភានៅថ្ងៃ៧ធ្នូនេះ។សូមជម្រាបថា ប្រធានរដ្ឋសភា លោក ហេង សំរិន រួមនឹងតំណាងរាស្ត្រ និងមន្ត្រីរដ្ឋសភាមួយចំនួនទៀត បានធ្វើតេស្តរកកូវីដ១៩ លើកទី១ កាលពីថ្ងៃទី២ធ្នូ បន្ទាប់ពីតំណាងរាស្ត្រម្នាក់ គឺ លោក ឡួយ សុផាត បានទាក់ទងផ្ទាល់ជាមួយអ្នកវិជ្ជមានកូវីដ១៩ និងបានចូលរួមសម័យប្រជុំពេញអង្គ ដែលមានអ្នកចូលរួមចំនួន ១១៦នាក់ កាលពីថ្ងៃទី២៥ ខែវិច្ឆិកាកន្លងទៅ៕
ចុះផ្សាយនៅថ្ងៃ៖