អគារកាណាឌីយ៉ាត្រៀមបើកដំណើរការឡើងវិញនៅថ្ងៃទី៩ធ្នូ
អគារកាណាឌីយ៉ាគ្រោងបើកដំណើរការឡើងវិញនៅថ្ងៃទី៩ធ្នូខាងមុខ ខណៈធនាគារចិនដែលរកឃើញបុរសម្នាក់មានវីរុសកូវីដ១៩បន្តផ្អាកដំណើរការដល់ថ្ងៃទី១៧ធ្នូដដែល។ នេះបើតាមលិខិតរបស់រដ្ឋមន្ត្រីក្រសួងសុខាភិបាលផ្ញើជូនលោកឧកញ៉ា ពុង ឃាវសែ ដែលវិទ្យុបារាំងអន្តរជាតិទទួលបាននៅថ្ងៃទី៧ធ្នូនេះ។
ចុះផ្សាយនៅថ្ងៃ៖
បើតាមសេចក្ដីជូនដំណឹងដដែល ការបើកដំណើរការអគារកាណាឌីយ៉ាឡើងវិញគឺយោងទៅតាមអនុសាសន៍របស់ប្រមុខរដ្ឋាភិបាលលោក ហ៊ុន សែន។ តែយ៉ាងណាក៏ដោយក្រសួងសុខាភិបាលមិនភ្លេចរម្លឹកដល់អ្នកពាក់ព័ន្ធនឹងអគារកាណាឌីយ៉ាត្រៀមចូលខ្លួនធ្វើតេស្តលើកទី២នៅថ្ងៃទី៨ធ្នូស្អែក។
សូមជម្រាបជូនថា អគារកាណាឌីយ៉ាស្ថិតនៅលើមហាវិថីព្រះមុនីវង្សដែលស្គាល់ថា ម្ចាស់ជាលោកឧញ៉ាពុង ឃាវសែ ត្រូវបានក្រសួងសុខាភិបាលសម្រេចផ្អាកដំណើរការបណ្ដោះអាសន្នកាលពីថ្ងៃទី២ធ្នូក្រោយរកឃើញបុគ្គលិកធនាគារចិនម្នាក់មានផ្ទុកវីរុសកូវីដ១៩៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ