លោកហ៊ុន សែន បំភ្លឺបន្ថែមថា នឹងគ្មានការដាក់ប្រទេសឬរាជធានីក្នុងគ្រាអាសន្នឡើយ
លោកនាយករដ្ឋមន្ដ្រី ហ៊ុន សែន នាអាធ្រាតថ្ងៃអាទិត្យទី០៦ខែធ្នួ បានសរសេរបំភ្លឺបន្ថែមនៅលើបណ្ដាញសង្គមថា នឹងមិនមានការដាក់ប្រទេសឬរាជធានីក្នុងគ្រាអាសន្នឡើយ។ ការគូសបញ្ជាក់យ៉ាងដូច្នេះធ្វើឡើងបន្ថែម បន្ទាប់ពីលោកលើកឡើងកាលពីព្រឹកថ្ងៃដដែលថា លោកបានព្រាងព្រះរាជក្រឹត្យ និងលិខិតពាក់ព័ន្ធរួចអស់ហើយ ចំពោះការដាក់ប្រទេសក្នុងគ្រាមានអាសន្ន។
ចុះផ្សាយនៅថ្ងៃ៖ កែប្រែថ្ងៃទី៖
តាមរយៈសារកាលពីម្សិលមិញ លោក ហ៊ុន សែន បានសង្កេតឃើញថា មានការបំភ្លើសនានាលើកឡើងអំពីការបិទប្រទេសឬបិទរាជធានីក្នុងប៉ុន្មានថ្ងៃខាងមុខ។ និងបំផុសឲ្យមនុស្សទិញទំនិញត្រៀមទុក។
នៅចំពោះមុខការភូតកុហកបែបនេះ លោកប្រមុខរដ្ឋាភិបាលកម្ពុជាបានគូសបញ្ជាក់តាមបណ្ដាញសង្គមថា នឹងមិនមានការស្នើសុំដាក់ប្រទេសក្នុងគ្រាមានអាសន្នទាំងមូល ឬផ្នែកណាមួយទេ។ ហើយក៏មិនមានការបញ្ចេញបទបញ្ជាឲ្យបិទរាជធានីភ្នំពេញដូចការឃោសនាណាមួយក៏ទេដែរ។
គួររំឭកជូនថា នៅថ្ងៃទៅ០៦ខែធ្នូ លោក ហ៊ុន សែន បានបង្ហើបពីការត្រៀមលិខិតពាក់ព័ន្ធសម្រាប់ការដាក់ប្រទេសទៅក្នុងគ្រាមានអាសន្ន។ យ៉ាងណាក៏ដោយ ប្រមុខរដ្ឋាភិបាលកម្ពុជាបញ្ជាក់ថា លោកមិនចង់ដើរទៅដល់ចំណុចនោះឡើយ ព្រោះវាអាចធ្វើឲ្យសេដ្ឋកិច្ចកម្ពុជាគាំងទាំងស្រុងតែម្ដង ដោយចំពោះការរកទទួលទានរបស់ប្រជាពលរដ្ឋ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ