លោក ហ៊ុន សែន៖ វិបត្តិកូវីដ១៩ បានរំលេចឲ្យមានការជម្រុញភាពចាំបាច់ក្នុងការអភិវឌ្ឍសេដ្ឋកិច្ចសង្គមឌីជីថល
នៅក្នុងពិធីបើកពិព័រណ៍ អាស៊ាន-ចិន លើកទី១៧ ក្រោមមូលបទ «រួមគ្នាកសាងខ្សែក្រវាត់ និងផ្លូវ និងពង្រឹងកិច្ចសហប្រតិបត្តិការសេដ្ឋកិច្ចឌីជីថល» ដែលប្រារព្ធធ្វើនៅតំបន់ស្វយ័តក្វាងស៊ី នៃទីក្រុងណាននីង ប្រទេសចិន នាព្រឹកថ្ងៃសុក្រនេះ លោកនាយករដ្ឋមន្ត្រី ហ៊ុន សែន បានថ្លែងតាមប្រព័ន្ធ Video Conference ថាការរីករាលដាលនៃជំងឺកូវីដ១៩ បានបង្កជាវិបត្តិធ្ងន់ធ្ងរដែលពុំធ្លាប់មានពីមុនមក លើសេដ្ឋកិច្ចនិងសង្គម។ វិបត្តិនេះបានបង្ហាញកាន់តែច្បាស់ នូវភាពចាំបាច់ក្នុងការប្រកាន់ខ្ជាប់នូវគោលការណ៍ពហុភាគីនិយម និងការពង្រឹងកិច្ចសហប្រតិបត្តិការអន្តរជាតិ។ នេះបើតាមលោក ហ៊ុន សែន។ លោកនាយករដ្ឋមន្ត្រី ក៏បានផ្តោតទៅលើ ការអភិវឌ្ឍសេដ្ឋកិច្ច និងសង្គមឌីជីថល ដើម្បីសម្របទៅនឹងការវិវត្តន៍ជាប្រក្រតីភាពថី្ម ការធ្វើឌីជីថលូបនីយកម្មលើផលិតកម្ម ឧស្សាហកម្ម សេវាកម្ម និងរដ្ឋបាលសាធារណៈ ព្រមគ្នាជាមួយនឹងការអនុវត្តវិធានការកែទម្រង់យ៉ាងមុតស្រួច ដើម្បីកែលម្អបរិយាកាសធុរកិច្ច និងវិនិយោគឲ្យបានកាន់តែប្រសើរ។
ចុះផ្សាយនៅថ្ងៃ៖
ស្តាប់ - ០១:២៩