រុស្ស៊ីប្រកាសជួយត្រួសត្រាយផ្លូវដល់កម្ពុជាឈានទៅចរចាកិច្ចព្រមព្រៀងFTAជាមួយប្រទេសនៅអឺរ៉ុបខាងកើត និងអាស៊ី
សហព័ន្ធរុស្ស៊ីតាមរយៈស្ថានទូតរបស់ខ្លួននៅភ្នំពេញ បានប្រកាសថា នឹងជួយដល់កម្ពុជាក្នុងការឈានទៅចរចាកិច្ចព្រមព្រៀងពាណិជ្ជកម្មសេរី((FTA)ជាមួយបណ្តាប្រទេសនៅក្នុងសហភាពសេដ្ឋកិច្ចអឺរ៉ាស៊ាន((EAEU))។ ការប្រកាសនេះ ធ្វើឡើងនៅក្នុងជំនួបរវាងឯកអគ្គរដ្ឋទូតឯកអគ្គរដ្ឋទូតរុស្ស៊ីជាមួយនឹងរដ្ឋមន្រ្តីការបរទេសកម្ពុជាកាលពីថ្ងៃព្រហស្បតិ៍ម្សិលមិញនេះ។នេះ។ ប្រទេសក្នុងសហភាពសេដ្ឋកិច្ចអឺរ៉ាស៊ាននេះននេះ គឺជាគោលដៅចរចាយកកិច្ចព្រមព្រៀងពាណិជ្ជកម្មសេរីរបស់រដ្ឋាភិបាលកម្ពុជា បន្ថែមពីលើប្រទេសក្នុងតំបន់អាស៊ីមួយចំនួនទៀត។
ចុះផ្សាយនៅថ្ងៃ៖
ស្តាប់ - ០២:១៩
នៅចំពោះមុខលោកប្រាក់ សុខុន រដ្ឋមន្រ្តីក្រសួងការបរទេសកម្ពុជា លោកAnatoly Borovik ឯកអគ្គរដ្ឋទូតថ្មីនៃប្រទេសរុស្ស៊ីប្រចាំនៅរាជធានីភ្នំពេញបានអះអាងថា ប្រទេសរុស្ស៊ីនឹងជួយគាំទ្រប្រទេសកម្ពុជាក្នុងការឈានទៅចរចាកិច្ចព្រមព្រៀងពាណិជ្ជកម្មសេរីជាមួយប្រទេសនៅក្នុងសហភាពសេដ្ឋកិច្ចអឺរ៉ាស៊ាន(EAEU) ដែលរុស្ស៊ី គឺជាតួអង្គសំខាន់មួយនៅក្នុងប្លុកសេដ្ឋកិច្ចមួយនេះ។ នេះ បើតាមការបង្ហាញឱ្យដឹងរបស់លោកណី សំអុល ដែលជាអ្នកនាំពាក្យរងនៃក្រសួងការបរទេសកម្ពុជានៅក្រោយជំនួបរវាងអ្នកទាំងពីរកាលពីថ្ងៃព្រហស្បតិ៍។
ទោះបីជាយ៉ាងណាក៏ដោយ លោកឯកអគ្គរដ្ឋទូតថ្មីរបស់រុស្ស៊ី មិនបានបញ្ជាក់ឱ្យដឹងលម្អិតថា នឹងចាប់ផ្តើមជួយកម្ពុជាលើកិច្ចការនេះនៅពេលណា និងដោយរបៀបណាឱ្យច្បាស់នោះទេ ដោយគ្រាន់តែបញ្ជាក់ថា នឹងជួយកម្ពុជាចូលរួមនៅក្នុងវេទិកាផ្សេងៗនៅក្នុងសហភាពសេដ្ឋកិច្ចអឺរ៉ាស៊ាននេះ។ សហភាពសេដ្ឋកិច្ចអឺរ៉ាស៊ាន គឺជាប្លុកប្រទេសដែលស្ថិតនៅអឺរ៉ុបខាងកើត អាស៊ីកណ្តាល និងអាស៊ីខាងលិច។ជើង។ តំបន់នេះ មានប្រទេសចំនួន៥ គឺអាមេនី បេឡារុស កាហ្សាក់ស្ថាន កៀហ្ស៊ីស៊ីស្ថាន និង សហព័ន្ធរុស្ស៊ី។ ប្រទេសទាំងអស់នេះ គឺជាគោលដៅសំខាន់ដែលក្រសួងពាណិជ្ជកម្មកម្ពុជាកំពុងរៀបចំគម្រោងចរចាយកកិច្ចព្រមព្រៀងពាណិជ្ជកម្មសេរី បន្ថែមពីលើអង់គ្លេស អាមេរិក ជប៉ុន ម៉ុងហ្គោលី និងឥណ្ឌា។
សម្រាប់រដ្ឋមន្រ្តីការបរទេសកម្ពុជាវិញ លោកបានជំរុញឱ្យប្រទេសកម្ពុជា និងរុស្ស៊ីលើកស្ទួយឱ្យកាន់តែល្អប្រសើរបន្ថែមទៀតនូវទំនាក់ទំនងពាណិជ្ជកម្មទ្វេភាគី ដោយសារតែទំហំពាណិជ្ជកម្មនៃប្រទេសទាំងពីរនៅទាបខ្លាំងណាស់នៅឡើយ។ បើតាមលោកប្រាក់ សុខុន ការរឹតបន្តឹងទំនាក់ទំនងពាណិជ្ជកម្មនេះ គឺអាចធ្វើឡើងតាមការមកវិនិយោគរបស់វិនិយោគរុស្ស៊ី ការផ្លាស់ប្តូរដំណើរទស្សនកិច្ចនៃអ្នកវិនិយោគ និង ការបង្កើនចំនួនភ្ញៀវទេសចរជាដើម។
សូមបញ្ជាក់ថា មកដល់ពេលនេះ កម្ពុជាទើបទទួលបានជោគជ័យលើការចរចាកិច្ចព្រៀងព្រមពាណិជ្ជកម្មសេរីជាមួយតែនឹងប្រទេសចិនតែមួយគត់។ កិច្ចព្រមព្រៀងពាណិជ្ជកម្មសេរីទ្វេភាគីនេះ ត្រូវបានគេរំពឹងថា ទំនងជាអាចចុះហត្ថលេខាផ្លូវការនៅក្នុងឆ្នាំ២០២១ខាងមុខ។ ស្របពេលគ្នានេះ កម្ពុជាក៏កំពុងចរចាជាមួយប្រទេសកូរ៉េខាងត្បូងផងដែរ ដោយបានបញ្ចប់ជុំទី២កាលពីដើមខែកញ្ញាកន្លងទៅ។ ក្រសួងពាណិជ្ជកម្មកម្ពុជាបានបញ្ជាក់ឱ្យដឹងថា ដំណើរការការចរចាកិច្ចព្រមព្រៀងពាណិជ្ជកម្មសេរីជាមួយកូរ៉េខាងត្បូងនេះមានភាពរលូន និងទទួលបានផ្លែផ្កាគួរឱ្យកត់សម្គាល់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ