ព្រឹត្តិការណ៍កម្ពុជាប្រចាំថ្ងៃ
តើពេលណាទើបជម្លោះដីធ្លីនៅកម្ពុជាអាចបិទបញ្ចប់ទាំងស្រុង?
ចុះផ្សាយនៅថ្ងៃ៖
ស្តាប់ - ១២:០២
ការទទូចទាមទារឲ្យរដ្ឋាភិបាលដោះស្រាយបញ្ហាដីធ្លីបានងើបឡើងវិញ កាលពីរថ្ងៃមុននៅមុខក្រសួងដែនដីនៅថ្ងៃ២១កញ្ញា ក្នុងឱកាសទិវាសន្តិភាពអន្តរជាតិលើកទី៧៥។ ក្នុងនោះក្រុមប្រជាកសិករដែលមានគ្នាប្រមាណជាង១ពាន់នាក់មកពីតាមបណ្តាខេត្តមួយចំនួនរួមមាន៖ កោះកុង ត្បូងឃ្មុំ ស្វាយរៀង តំណាងឲ្យប្រជាពលរដ្ឋ៧០៩៩គ្រួសារ អះអាងថា កំពុងមានទំនាស់ដីធ្លីរាំរ៉ៃលើទំហំដីជាង១ម៉ឺន២ពាន់ហិកតាជាមួយក្រុមហ៊ុនឯកជន ដែលទទួលបានសិទ្ធិវិនិយោគពីរដ្ឋ។ ចំពោះខេត្តកោះកុង ក្រសួងដែនដីមិនទទួលដោះស្រាយឡើយ ដោយសារជម្លោះខ្លះបានដោះស្រាយរួចហើយ ហើយក្រុមពលរដ្ឋខ្លះទៀតមិនស្ថិតក្នុងក្រុមរងផលប៉ះពាល់។
