ក្រុមប្រឹក្សាធម្មនុញ្ញ៖ការអនុវត្តរដ្ឋធម្មនុញ្ញ២៧ឆ្នាំមកនេះ បាននាំឱ្យកម្ពុជាមានសុខសន្តិភាព និងក្លាយរដ្ឋមានស្ថិរភាព
ក្រុមប្រឹក្សាធម្មនុញ្ញកម្ពុជានៅព្រឹកថ្ងៃពុធនេះបានរៀបចំសន្និសីទអបអរសាទរទិវារំលឹកខួប២៧ឆ្នាំនៃការប្រកាសឱ្យប្រើរដ្ឋធម្មនុញ្ញ ដើម្បីធ្វើការបូកសរុបវាយតម្លៃការអនុវត្តរដ្ឋធម្មនុញ្ញក្នុងរយៈពេល២៧ឆ្នាំកន្លងមកនេះ។ លោកអ៊ឹម ឈុនលឹម ប្រធានក្រុមប្រឹក្សាធម្មនុញ្ញកម្ពុជាបានលើកឡើងថា រដ្ឋធម្មនុញ្ញរបស់កម្ពុជានាពេលបច្ចុប្បន្ននេះ គឺជាសមិទ្ធផលដែលកើតចេញពីឆន្ទៈរួមរបស់ប្រជារាស្ត្រខ្មែរសម្តែងឡើងតាមរយៈការបោះឆ្នោតជាសាកលកាលពីឆ្នាំ ១៩៩៣។ សម្រាប់លោកអ៊ឹម ឈុនលឹម រដ្ឋធម្មនុញ្ញនេះបានក្លាយជាមូលដ្ឋានគ្រឹះនៃស្ថិរភាពរបបនយោបាយ ក្របខ័ណ្ឌច្បាប់ និងក្របខ័ណ្ឌស្ថាប័ននៅលើខឿនប្រជាធិបតេយ្យសេរីពហុបក្ស និងនីតិរដ្ឋដែលធ្វើឱ្យកម្ពុជាមកដល់បច្ចុប្បន្ននេះមានសុខសន្តិភាពពេញលេញ ជារដ្ឋមានស្ថិរភាព ជាមួយនឹងកំណើនសេដ្ឋកិច្ចខ្ពស់ក្នុងរយៈពេលពីរទសវត្សរ៍។ ក៏ប៉ុន្តែ លោកបណ្ឌិតប៉ា ច័ន្ទរឿន ប្រធានវិទ្យាស្ថានប្រជាធិបតេយ្យកម្ពុជាវិញ បានកត់សម្គាល់ឃើញថា នៅក្នុងរយៈពេល២៧ឆ្នាំមកនេះ រដ្ឋធម្មនុញ្ញកម្ពុជាមិនត្រូវបានយកទៅអនុវត្តបានលេញលេញនៅឡើយទេ។ លោកបន្តថា អ្នកនយោបាយកម្ពុជាបានកែប្រែរដ្ឋធម្មនុញ្ញ ដើម្បីតម្រូវតាមគោលដៅនយោបាយរបស់ខ្លួន។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោកបណ្ឌិតប៉ា ច័ន្ទរឿន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ