លោក រស់ សុវាចា៖ ការបើកដំណើរការសាលារៀនឡើងវិញនៅក្នុងដំណាក់កាលទី២ប្រព្រឹត្តិទៅដោយរលូន
ចុះផ្សាយនៅថ្ងៃ៖
ស្តាប់ - ១០:១៩
ចាប់ពីថ្ងៃទី ០៧ ខែកញ្ញា ដើមសប្តាហ៍នេះ ក្រសួងអប់រំ យុវជន និងកីឡា បានអនុញ្ញាតអោយបើកដំណើរការសាលារៀនឡើងវិញនៅក្នុងដំណាក់កាលទី២ បន្ទាប់ពីបានបិទទ្វារអស់រយៈពេលជាង៦ខែ ដោយសារតែការរីករាលដាលជំងឺកូវីដ១៩។ លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា ដែលជាភ្ញៀវរបស់វិទ្យុបារាំងអន្តរជាតិនៅថ្ងៃអាទិត្យនេះ បានវាយតម្លៃជាបឋមថា ការបើកអោយដំណើរការសាលារៀនឡើងវិញ នៅក្នុងដំណាក់កាលទី២នេះ បានប្រព្រឹត្តទៅដោយរលូន និងមានការចូលរួមសហការពីមាតាបីតា អាណាព្យាបាលសិស្ស និងអាជ្ញាធរមូលដ្ឋានផងដែរ។ ទន្ទឹមគ្នានេះ ក្រសួងអប់រំសហការជាមួយក្រសួងសេដ្ឋកិច្ច និងក្រសួងសុខាភិបាល កំពុងពិចារណាអោយមានការបើកដំណើរការសាលារៀននៅដំណាក់កាលទី៣ជាបន្តទៀត នៅខែវិច្ឆិកាខាងមុខ ស្របពេលមានដំណឹងថា កម្ពុជាបានព្យាបាលអ្នកជំងឺកូវីដ១៩ទាំង២៧៤នាក់អោយជាសះស្បើយ១០០%។