លោក វ៉ាត់ ចំរើន៖ អត្តពលិកកម្ពុជារាប់រយនាក់បានខកខានទៅហាត់នៅបរទេស តែនឹងមិនប៉ះពាល់ដល់ការរៀបចំត្រៀមស៊ីហ្គេមទេ
ចុះផ្សាយនៅថ្ងៃ៖
ស្តាប់ - ១២:២៣
គណៈអចិន្ដ្រៃយ៍ នៃគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ ហៅកាត់ថា(CAMSOC) នៅថ្ងៃទី០១ ខែកញ្ញានេះ បានបើកកិច្ចប្រជុំប្រចាំសប្ដាហ៍របស់ខ្លួន ដោយផ្ដោតលើរបៀបវារៈសំខាន់ៗចំនួន៣ ដូចជាការជជែកពីវិធានគ្រប់គ្រងការប្រើប្រាស់ស្លាកសញ្ញា(Logo) និងរូបសត្វតំណាង(Mascot) ការរៀបចំប្រតិទិនការងារជាក់លាក់ និងការជជែកពីការរៀបចំហេដ្ឋារចនាសម្ព័ន្ធត្រៀមស៊ីហ្គេម។ លោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការ គណៈអចិន្ដ្រៃយ៍ CAMSOC បានថ្លែងថាវិបត្តិកូវីដ១៩ បានជះឥទ្ធិពលដល់ការអភិវឌ្ឍជំនាញ ឬការហ្វឹកហាត់របស់កីឡាករ កីឡាការិនី ក៏ប៉ុន្តែមិនប៉ះពាល់ទៅដល់ការអភិវឌ្ឍ និងដំណើរការបច្ចេកទេសក្នុងការរៀបចំប្រកួតស៊ីហ្គេម ដែលកម្ពុជាធ្វើជាម្ចាស់ផ្ទះនោះទេ។